واحد طلب من امو تدعو له قالتلو سير يا ولدي ربي يعطيك دار بلا كرا و ماكلا بلا شرا ...لقا راسو في الحبس
واحد الراجل شاف واحد رباعة ديال سكايرية هو يقول ليهم حرام عليكم او هما يقولوا ليه وعليك الحرام
هده واحد المراة حادكة بزاف، ناض راجلها ف 3 دالصباح للطواليط رجع لقاها جمعات الفراش و وجدات الفطور
واحد ولد جا كيبكي علا مو ، قالت ليه مالك اولدي كتبكي، قاليها لي دزت من حداه كيقول ليا راسك كبير بزاف، قالت ليه لا لا راسك صغير غير حاسدينك وصفي، قالت ليه هاك القفة و سير لسوق او جيب ليا لخضرا 2 كيلو من الحاجة، قليها ولكن القفة راها مثقوبة أش ندير، قالت لية ايوا جيب لخضرا فلكاسكيطا ديالك
وحدة سالت زوجها : شنو هي احسن حاجة فيا ؟
وجهي الجميل او جسمي الرشيق ؟؟؟
راجلها شاف فيها مزيان او قال ليها :
خيالك الواسع
ولد صغير قال لجدتو : جدة عندك سنينات
قالتلو: منين ياوليدي طاحولي كلهم
قاللها :خلي هاد التفاحة عندك حتى نجي
واحد الرجل مرض قال لمراتو جيبي ليا طبيب بيطري كاتليه علاش كاليها كنفيق مع ن
بوري كي الضبع و نظل نحرث فالخدمة كي الحمار و فالعشية كنرجع مجرتل كي الكلب وفالليل كنطيح دودة
واحد عنده جوج ولاد و كيشك فى مراته بلي واحد من دوك للولاد ماشي ولده
مشا عند الشوافة باش يعرف. قالت ليه سير للصحراء و رسم واحد الدائرة و نعس و سطها انت و ولادك
مللى تفيق الولد اللى لقيتيه خارج الدائرة راه ولد الحرام
ملي فاق لقى راسه مع ولاده خارج الدائرة قال ليهم نوضو القاضية حامضة من ايام جدكم
حميد او حميدة بغاو تزوجو ومبغاتش عائلتهم ،حميد و حميدة قررو باش نتاحرو من فوق العمارة. قرر حميد باش انتحر هو الاول.عائلتهم عرفوهم غدي نتاحرو فاش بغى حميد انتاحر تعرضات ليه عائلة بلزار.ولكن حميد تقب ليزار و دخل راسو فالارضومات. و منين تلاحت حميدة حتى هي تعرضات ليها عائلتها بليزار او حفظها ليزار ..مماتش.اومنين عالجو القض...ية لقاو عائلة حميد كات تستعمل جافيل العبار او عائلة حميدة كات تستعمل اتشي
هادا واحد الراجل دا ولدو للسوق باش يعلم ليه الألوان
ورا ليه ماطيشة وقال ليه: شوف أولدي، هادي ماطيشة وراها حمرة
واخا كتبان ليك صفرة، راه غير باقا خضرة
ادا واحد الولد جالس ف بلاكة الطوبيس كيكمي وحداه مرا شارفة
المرا عيات مسكينة من الدخان وقالت ليه: شوف أولدي، واش ف راسك نتا اللي كتكمي كتدي عشرين بالمية من النيكوتين وأنا اللي كنشم الدخان كندي تمانين بالمية؟
الولد بقى يشوف فيها، شوية وهو يمد ليها ڭارو وقال ليها: الحاجة، خودي نتي عشرين بالمية وعطيني أنا تمانين بالمية
شي وحدين جالسين كايتكيفو.
داز حداهم واحد الشيباني، قال ليهم: حرام عليكم
قالو ليه: وعليكم الحرام
هادا واحد غليييييييض بزاف تلاقا مع واحد رقيييييييق بزاف
قال ليه: يا خويا اللي شافك يقول عايش ف بلاد فيها مجاعة
قال ليه الرقيق: واللي شافك يعرف شكون دار هاد المجاعة
واحد مشى عند مول الشفنج، قال ليه: عطيني كيلو ديال الشفنج.
كلاه وما شبعش، قال ليه: زيد نص كيلو.
كلاه وما شبعش، قال ليه: زيد رابعة.
كلاه وهو يشبع، وقال تفوووووووو من اللول كنت ناخد رابعة
واهد الراجل مخاصم مع مرتو. عيط ليها من الخدمة وقال ليها: أشنو دايرة للعشا؟
المرا كاعية، قالت ليه: السم
قال ليها: مزيان، إيوا غير تعشاي ونعسي راني غادي نتعطل اليوم ف الخدمة
قاليك هذا واحد الفقيه اختارع واحد *مصباح* ولي كيكذب كيشعل ضو احمر
واحد نهار جا عندو ولدو قاليه لفقيه شحال جبتي قاليه الولد 13 و هي تشعل البولة الحمراء قاليه الفقيه كذبت و هو يقول ليه الولد 10 و هي تشعل عاود وهو يقول ليه كذبت و هو يقول ليه الولد 4 و ماشعلاتش.
جا الفقيه قالو حنا فاش كنا قدكم كنا كنجيبو 20 ...و هي تفرقع
هدا واحد عايش غي هو و مو فدار جا العيد الاضحى قالت لو مو والو أولدي انت للي غادي يدبح.الولد ماعمرو ما دبح ضحية مشا شرا 7 دلحبات قرقوبي. من جا يدبح طايح الحولي وكلا الحبات 3 طاحو في فمو أو 4 طاحو فم الحولي.تقرقب هو و الحولي.تاتقولو مو عنداك تقيس الهيدورة ولدي تايجاوبها ماتخافيش أمي... عنداك تقيس الهيدورة ولدي تايجاوبها ماتخافيش أمي ....عنداك تقيس الهيدورة ولدي تايجاوبها ماتخافيش أمي ....عنداك تقيس الهيدورة ولدي تايجاوبها ماتخافيش أمي . ناض الحولي طالعلو الدم حايد الولد جانوييا(الموس)اوبدا يخرط فهيدورتو تايقول ليهم ها الهيدورة... ها الهيدورة...... ها الهيدورة!
