يامرحبا بك مثل ما سلمـت وعليـك السـلام


مواضيع متنوعة
 
الرئيسيةالبوابةأحدث الصورالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

 

 يامرحبا بك مثل ما سلمـت وعليـك السـلام

اذهب الى الأسفل 
2 مشترك
كاتب الموضوعرسالة
AH.DESIGN
عضو متألق
عضو متألق
AH.DESIGN


الجنس : ذكر
المشاركات : 160
المـكـان : jor.dan
نقاطي : 486

يامرحبا بك مثل ما سلمـت وعليـك السـلام Empty
مُساهمةموضوع: يامرحبا بك مثل ما سلمـت وعليـك السـلام   يامرحبا بك مثل ما سلمـت وعليـك السـلام Emptyالإثنين 15 أغسطس - 12:53

يامرحبا بك مثل ما سلمـت وعليـك السـلام
==== عد الحروف اللي نطقت بها السـلام وقدهـا


يامرحبا بك والعيون الخـرس داخلهـا كـلام
= والكلمه اللـي تستحـي منهـا دوامـا بدهـا


قلها ولو هي كالسهم صاحبك ضاري بالسهـام
==== كم صوبت صوبه سهام وكم بصـدره صدهـا


قلها وريحني قبل تصحى بـك جـروح نيـام
==== تعبـت انومهـا لعـل النـوم يحفـظ سدهـا


اخاف لاصحيتها ترقـص لهـا بنـت الغمـام
=== لامن لمع براقهـا قـال الرعـد خـذ ردهـا


اشـوف كنـك غـارق باللهم ولا مستـهـام
=== والا تبي تعرف خفايا النفـس واللـي شدهـا


خذ عندك اللي ماتعرفه والعلـوم لهـا زمـام
=== واللي فلت منه الزمام اكثـر علومـه هدهـا


صاحبك تعجبه الجميلـه دام مبداهـا احتـرام
=== لكـن ليـا شـاف التغلـي ماطلبهـا ودهــا


قوى روابط عزته وايقض لها حرب الخصـام
==== ولا انهـزم قـدام ضحكتهـا وبـارق خدهـا


لو تكتسي حله حنـان مـن قدمهـا لا البهـام
==== مالينت قلـب قسـى ضـد الحنـان وضدهـا


الا حنان امه خضـع لـه واستلـذ الانهـزام
=== قبـل قدمهـا وانحنـى قبـل يقـبـل يـدهـا


صاحبك لامنه جفاه النـور ماهـاب الظـلام
=== اشعل قناديـل الثقـه بالنفـس واشعـل ندهـا


ساق المطيـه للوفـا وادرج يمينـه للخطـام
==== وان مال عنها شدهـا عجـل وعـد ل شدهـا


ولا رجا المنان والدنيـا حطـام فـي حطـام
====== لابو صلايـب مـدة المنـه لبـو مـن مدهـا


له شور ابلغ عند نفسه من مضاريب الحسـام
==== وله عزم اقوى من جفا بعض النفوس وصدها


لاصار شور الرجل ما يجلى عن النفس العسام
===== ياعل شلفا القوم تطعـن فيـه لآخـر حدهـا


وان كان محصول التعب ماسد حتـى للحمـام
==== في ذمتك وش فايده يمنى الفلـس مـن كدهـا


لاينشغل بالك على مثلي تـرى ربعـي كـرام
========= لكـن معـك بالله رسالـه للعـواذل ودهــا


العاذل اللي لامني مالـه علـى مثلـي مـلام
========== عليـه يبنـي لومتـه وانـا علـي اهـدهـا


وان كان مافاد الهداد الضرب في الميت حرام
========= انـا مسكـت نصابهـا خلـه يـلاوي حدهـا


اشوف كن الليل قـرب يرتخـي عنـه اللثـام
======== ونـا علومـي لاتـزال يزيـد عنـدي مدهـا


تعال ابا قول لك شـي واضـح قبـل الختـام
======= ابيك تفصل به سواليف الهـزل عـن جدهـا


والله لو اخسر مابقي بالعمر مارجـع للغـرام
======= وانا ليـا مـن قلـت كلمـه والله انـي قدهـا
الرجوع الى أعلى الصفحة اذهب الى الأسفل
قمر الطفولة
عضو نشيط
عضو نشيط
قمر الطفولة


الجنس : انثى
المشاركات : 57
المـكـان : نفسي
نقاطي : 96

يامرحبا بك مثل ما سلمـت وعليـك السـلام Empty
مُساهمةموضوع: رد: يامرحبا بك مثل ما سلمـت وعليـك السـلام   يامرحبا بك مثل ما سلمـت وعليـك السـلام Emptyالأربعاء 16 نوفمبر - 4:19

ماشاء الله

يسلموو ع الموضوع
الرجوع الى أعلى الصفحة اذهب الى الأسفل
 
يامرحبا بك مثل ما سلمـت وعليـك السـلام
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الملاك :: [ مـنـتـدى الـمـلاك الأدبــيـة ] :: مـلاك هـمـس الـقـوافـي-
انتقل الى: