الجنس : المشاركات : 2090المـكـان : سنابسينقاطي : 100
موضوع: مراهقات يبحثن عن الحب الإثنين 2 يونيو - 9:27
مــراهـــقــات يــبـحثـن عــن الــحــب
مع ذكريات الأمس وحاضر اليوم ومستقبل الغد .. في زمن لا ولم يعرف للعواطف والحب والدموع مكان .. زمناً وضع المادة شي أساسي .. أصبحت الماء والهواء .. حتى غدت قلباً ينبض بلذاتها ويعيش بها الحب والعذاب تاركاً مشاعره الإنسانية مدفونة تحت التراب.. حتى أصبحت أنشودة يغنيها الجميع ويرددها باسم الحب ..
بعد شجار وكلام جارح ذهبت شوق إلى غرفتها مسرعه وعيناها ممتلئتان بـ الدموع استلقت على فراشها واحتضنت دموعها تلك الوسادة وفي حين كانت شوق ذات 15سنه غارقة بين دموعها وأفكارها فتح الباب بهدوء ودخل ضوء من الخارج رفعت شوق رأسها بتثاقل وتعب ونظرت إلى رهام الواقفة تنظر إليها بعد دقائق بل ثوانٍ من تبادل نظرات العتب والغضب ولوم ممزوج بحب تقدمت رهام قليلا لتنير الغرفة المظلمة أسرعت شوق بنظراتها وبانفعال
شوق : لا تفتحي النور ولو سمحتي طلعي برا
رهام : شوق ابي أتكلم وياك
شوق بدموعها اللي أنزلت في ذاك الوقت : وأنا مآبي لو سمحتي اطلعي برا يكفي كلامك ماكفاك اللي قلتيه وش جايه تزيدين جايه تجرحين فيني وتقولي احبك انتو ماتحبوني روحي إلى أمك مو أنا الولد مو أنا القليلة الأدب مو أنا اللي ماتربيت أنا شسويت لكم وش سويت طلعي تفهمي طلعي مآبي أشوفك ولا أشوف.. احد برا
رهام : خلصتي كلامك إنا لو ماحبك ماعصبت عليك .. قاطعتها شوق بعصبيه تزداد بكل لحظه
شوق : طلعي تفهمي طلعي لا أقوم وطلعك غصب
رهام : إنا بطلع بس لي كلام معاك لا تفتكريني بتركك ويسكت .. وتوجهت إلى الباب وقبل ماتطلع التفت إلى شوق اللي كانت تتكلم وتسب وقالت لها : مابنسى اللي صار وراجعه لك ومصيرك تجين تطلبين مساعدتي
شوق وهي تصارخ : مابجي ولا ابي منك شئ وإذا كانت شخصية ولد قبل عاجبتنى فـ هالشئ راجع لي مو لك وكيفي بكون ولد بكون بنت كيفي واللي نقل لك كلام عني ماهمنى خل يشوف نفسه فهمتي وقولي إلى أمي هالكلام قولي لها انه شوق مابتنتظر منكم شئ لأنها انتظرت وانتظرت ولا حصلت شي كل يوم لوم ولوم ولوم وصراخ محد جا قالي أنتي وش محتاجه محد قالي وش فيك محد سالنى عن دراستي محد جاء وعطاني الحنان أمي .. أمي تحب ناس وناس أمي تحبك انتى وتحب سارة و رنا وأنا على الهامش وأبوي اللي مايدري عنا بس يراضينا بفلوس ويعطينا فلوس أنا مآبي منكم فلوس ابي قلب يحبني ابي امي تضمني لما أكون محتاجتها مو تصارخ علي وتسكت عني مو تبعدني عنها بكل الطرق والوسائل ليش أنا مو بنتها أي أكيد مو بنتها مدري بنت منو مدري وين شايفيني وربيتوني وقولي يمكن هالشئ يرحمني .. وظلت شوق تصيح وتهذي بـ كلمات انتو ماتحبوني بس أنا أحبكم واهي تبكي لين غطت عينها ونامت
بينما رهام في الصالة كانت تشوف تلفزيون مع سارة والوالدة أم ناصر دخل عليهم ناصر واهو يغني وطربان على الأخر والكل جالس يناظره
أم ناصر : خلف الله أنا جايبه هم وبلا ومجانين
ناصر : افا أنا مجنون وش ذا با حناني أخر شي توقعته منك تقولي عني هم وبلا ومجنون
أم ناصر : وين كنت وليش متأخر وجاي على هالوقت كان نمت برا البيت أبوك من زمان جا ونام وأنت ولا فيه
ناصر : مامي ترا احنا أجازه والوالد ربي يخليه وديمه ورآه دوام والدوام ورآه فلوس ولفلوس ورآها مصاريف للبيت ولكم يعني أنا ما وراي شي إذا خلصت الاجازه ورحت عنكم بـ تشوفيني جالس من الساعة 7 في البيت اهتم بدروسي اوكي مام
أم ناصر : ربي ساعدني على هالعيال كل واحد يبي يسوي اللي راسه ومو هامنه غيره
ناصر : أقول يا بنات ناقصكم وحده وينها الشيخه القمر شواقتي
رهام بقهر ومتنرفزه من جا طاري شوق : فوق بغرفتها
ناصر : وليش تقولينها كذا وش ذا الأسلوب اللي عليك
نطت سارة بنص : لا ينصور بس تو شوق ورهام وأمي متهاوشين ومقومين البيت علينا ماتشوف البيت للحين فيه هزات مسوى للحين ماثبت في الأرض
ناصر : سخيفة فاكره نفسك بتضحكينى يعني .. ووجه نظرته إلى أمه ورهام ..
ليش متهاوشين وش اللي صار
ام ناصر : انت طول وقتك هايت ويا صبيانك وشو دراك باللى بالبيت.. ومايحتاج تعرف
ناصر بعصبيه خفيفه : يمه وش تبيني اسوي اجلس بالبيت شايفه في احد وياي كلكم تنتمو الى الجنس الناعم انا شدخلنى فيكم اهتماماتي غير عنكم وبعدين لا تضيعين السالفه وتقلبيها علي انا اسئل عن الشواقي شفيها وليش فوق بغرفتها وليش متهاوشين والتفت الى رهام بعد ما ياس من امه
ناصر : رهامو وش فيها شوق ليش متهاوشين
رهام : مافيها شئ بس اختك ذي كل يوم جايبه لنا مصايب
ارتاع ناصر وبنفس الوقت استغرب من الكلمه : مصايب وش مصايبه انا اللى اعرفه شوق بحالها وماتتكلم كثير مع احد وهادئه
رهام : لا في شئ جديد اليوم جاتنا ام سامي ومع السوالف قالت انه بنتها هند قالت لها انه شوقو تحب وحده من اللى كانو يدرسون معاها ويوم جات هند تكلمها قامت شوق وهاوشتها وغير ذا بعد تصرفات اختك بايخه ماخلصنا من سالفة تصرفاتها اللى نقلبت هذيك الفتره الى ولد تجي بعد تحب لنا بنات وقلة ادب ووقاحه
ناصر بهدوء : خلصتى من الهجوم على اختك والهجوم بكلامك عنها وانتقاذك لها
رهام : انا ما هاجمت بس اختك ماراح مو طايعه تفهم
ناصر : طيب انا بكلمها واذا على هند انا مابي شوق تكلم هند واذا السالفه سالفة شوق تحب بنت ترا شوق مو حق هالسوالف وانا قبل فتره كنت اسولف معاها وجبت لها سالفه من هالنوع ولاحظت نفورها من هالشئ واهي تعتبر هالشي شي شاذ انه بنت تحب بنت لدرجة اتملك
رهام بستغراب : وانت متى كلمتها وحنا مانشوفك بالبيت ولو كان ذا صحيح ليش واثق من صحة كلامها يمكن تكذب
ناصر بعصبيه : انتى شدخلك متى كلمتها وثاني شئ انا واثق بكلامها وعرف انها ماتكذب ويكفى انه هند صايره سيرتها على كل لسان .. ام ناصر ناظرت ناصر بغضب ورهام وساره متفاجئات من كلام اخوهم عن البنت كيف يقول عن البنت كذا
ام ناصر : استحي على وجهك تقول عن بنت الناس كذا وحنا نعرفهم ناس زينين
ناصر : يمه الايام تثبت وخل اطلع انا الكذاب بس شوق مالها علاقه باللى يصير ويكفى يا يمه انك بعيده عن بنتك واذا بتنحرف وبتنجر الى طريق مو زين فـ انتو السبب وخلي فى بالك هالشئ يا يمه تراها بنتك مو بنت الجيران اقل كلمه تنقال تصدقينها فيها وتجين تصارخين عليها حتى لو ماكانت غلطانه يا يمه حرام عليك هذي بنتك بعد ..
تركهم ناصر فى الصاله بعد ما قال الكلام اللى عنده وراح الى شوق غرفتها وفتح الباب بهدوء ودخل الغرفه وسكر الباب وراه ومن شافها نكسر خاطره عليها كانت نايمه وحاضنه الدبدوب اللى يوم نجحت جابه لها وعلى خدها اثر لدموع اللى جفت وشكلها كان يعور القلب
كان ناصر يناظرها ويلعب بشعرها ويفكر باللى صار لها
( شوق عمرها 15 كانت قبل 15 انطوائيه بس رهام حاولت تطلعها منها .. وبعد ماطلعت من اطوائيتها لاحظت انها تعاني من فراغ عاطفي .. محتاجه الى حب الام وعاطفتها وكل ماتدوره وتقول الى امها عن هالشئ تلقى لوم وصراخ وعتاب ... ام ناصر بعيده عن شوق كثير وما تحاول تتقرب منها )
(رهام عمرها 20تدرس فى الكليه بنت خلوقه مؤدبه بس تحب الكل يطيعها ويسمع كلامها ويمشي برايها واللى يعاندها تعصب عليه وتصارخ ولازم تطلعه غلطان وتقهره تحب الناس والناس يحبوها وايد )
(ساره اصغر من رهام بسنه وعمرها 19 هي ورهام زي التوأم دايم مع بعض يشكو ويحكو لبعض وساره فى فى ثالث متوسط مسوى كله ترسب وماتحب الرياضيات بس هادئه كثير) .
شاروخان عضو ذهبي
الجنس : المشاركات : 2090المـكـان : سنابسينقاطي : 100
موضوع: رد: مراهقات يبحثن عن الحب الإثنين 2 يونيو - 9:29
(رنا عمرها 9سنين فى ابتدائي شيطانه وتحب تضحك وتلعب بس علاقاتها فى المدرسه محدوده ماتتكلم مع بنات كثير او تاخذ ارقامهم يعني بنت بحالها ) (ناصر عمره 22طيبوب وحبوب يدرس بالجامعه .. وقريب من شوق ويحبها كثير ومايرضى عليها لانها مخزن اسراره ) ( ام ناصر عمرها 37 طيبه كثير بس مو عارفه كيف تتفاهم مع شوق او كيف تتقرب منها تحب تطلع وتحب توجب الناس ) (ابو ناصر اكبر من ام ناصر بـ 5 سنين عمره 42سنه طيب حنون يخاف على عياله بس بعيد عنهم بحكم مشغول بشغله واصحابه اهتماماته كيف يصرف على عياله وكبرهم وخليهم مايحتاجو لشئ غيره ) جلست شوق من النوم على الساعه 10 الصبح وراسها يوجعها وحاسه بتعب شافت ناصر نايم عندها بالغرفه وشكله يضحك لانه كان نايم وبشكل يبين انه جالس ويده فى شعرها ومو متغطي زين ابتسمت شوق على منظر اخوها ومسكت يده اللى من مسكته حس لها وشالت يده من شعرها ورفعت نفسها واهي قايمه من السرير التفت له وبتسم شوق ببتسامه ناعمه : صباح الخير نصور ناصر : صباح النور يلا خلصي طلعي بكمل نومي ترا مانمت الا الصبح ابتسمت شوق اكثر : زين.. بغرفتي وتطردني يلا ماعليه هالمره بعديها مسوى الاجازه لها كم يوم وتخلص وانت بتروح الرياض ومابنشوفك كثير واهي تتكلم انتبهت الى ناصر اصلا مو وياها ونايم ولا حاس بكلامها اخذت بعض اغراضها ولقت مفتاح غرفة ناصر عند جواله محطوطين على طاولة الكمبيوتر خذت المفتاح وطلعت برا الغرفه وراحت خذت شاور ودخلت غرفة ناصر ويوم خلصت وعدلت شعرها نزلت الصاله الى اهلها وشافت امها وابوها جالسين يسولفون شوق: السلام عليكم ابو ناصر + ام ناصر : وعليكم السلام شوق راحت عند ابوها وحبت راسه وصبحت عليه بالخير وبعدها سلمت على امها وحبت على راسها وصبحت عليها وجلست على الارض بهدوء وساكته ابو ناصر وجه نظرته لشوق وقام يسولف وياها عن اللى صار بالليل مع امها : شواقه وش اللى صار البارح شوق بضيق : ابد يبا ماصار شئ غير سلامتك عادي ابو ناصر : مابيكم تتهاوشون اكبرتو على ذا الشئ كل يوم سالفه جديده وهواش شوق : انشاءالله يبا وحلت لحظات صمت ودخلت رهام وساره الصاله عليهم وسلمو وصبحو بالخير وجلسو وظلوا ويسولفو بكل شئ واللى تبي فلوس واللى تبي تروح السوق وشوق ساكته تراقب اللى صاير عن بعد بدون أي تدخل وقاطع سوالفهم صوت التلفون اللى رن وقامت شوق ترد عليه وتشوفه شوق : الوو .... : السلام عليكم شوق : وعليكم السلام .....: كيف الحال ؟ شوق : بخير الحمدلله .....: منو انتي شوق : انت اللى داق انت منو ....: ماعرفتيني يا بنت عبدالله شوق : خير اخوي ماعرفتك انت تبي ابوي ....: ايه بنيتي جيبي ابوك شوق : انشاءالله بس ثواني تركت شوق سماعة التلفون ولتفت الى ابوها شوق : يبا التلفون لك ابو ناصر : منو شوق : مدري وقام ابو ناصر يكلم بالتلفون واهو مستغرب وبنفس الوقت قلبه يدق بسرعه ابو ناصر : السلام عليكم ....: وعليكم السلام ورحمة الله وبركاتة ابو ناصر شاك بصوت ومو مستوعبه : خير منو معي ...الطرف الثاني بصوت متعب : ماعرفتنى يا عبدالله ابو ناصر : لا ماعرفتك بس صوتك مو غريب عني ...: انا اخوك يا ابو ناصر انا ابو محمد ( ابو محمد الاخ الاكبر الى ابو ناصر واهو كبير فى السن ومريض بالقلب والضغط والسكر واقل صدمه تتعبه ) في ذا الوقت سكت ابو ناصر ويحس انه مو مصدق ابو محمد داق عليه وبعد وقت طويل ابو محمد : شفيك سكت خبرني عنك وعن دنياك ابو ناصر: والله يا اخوي بخير الحمدلله وانت شخبارك شخبار عيالك ابو محمد : بخير يا اخوي الحمدلله ابو ناصر : ماتفكر تزورنا ترا مشتاقين لك ولعيالك كثير ابو محمد بعد تنهيده : انشاء الله قريب نزوركم وانا متصل اخبرك انه حنا بنجي بعد سبوعين ابو ناصر بفرح : حياك الله توصلون بسلامه ولا تحاتي المكان البيت شكبره يوسع الديره بقدها ابو محمد : ماعليك قصور يا اخوي يا الله ماعطلك عن اشغالك ابو ناصر : لا تعطلنى ولا شئ ابو محمد : ههههههههههه ماتعرف تكذب يا الله فمان الله ابو ناصر : صايدني يعني ههههههه فمان الكريم بعد ماسكر ابو ناصر التلفون ووجهه باينه عليه الفرحه الكبيره راحت له شوق بدلال منو ذا يبا اللى خلاك مبسوط كذا ابتسم ابوناصر ووجه كلامه للكل ابو ناصر : هذا عمكم ابو محمد وبيجي عندنا بعد سبوعين ابيكم تجهزون له مكان اهو وعياله لانهم بيسكنون عندنا وانا اقول فضو القسم اللى يكون جنب غرفة ناصر ونخليه الى الشباب والقسم اللى فيه رهام وساره ورنا وشوق الى البنات وانا وانتى يا ام ناصر و ابو محمد وام محمد بنصير حول لعيال بكره بشوف لى مهندس زين بخليه يضبط المكان
شاروخان عضو ذهبي
الجنس : المشاركات : 2090المـكـان : سنابسينقاطي : 100
موضوع: رد: مراهقات يبحثن عن الحب الإثنين 2 يونيو - 9:29
ام ناصر : انشاءالله خير زين تسوي ابو ناصر اللى قام يكلم البنات : ها يا بنات شرايكم رهام وساره : اللى تشوفه يبا شوق يمرح : كم بنت عند عمي ابو ناصر ببتسامة رضا على بنته : عنده بنتين وحده اسمها ندى وهذي بعمرك اذكر انتي جيتي شهر واهي الشهر اللى بعدك على طول والثانيه اسمها فرح وهذي الصغيره مدري كم عمرها بس يمكن سنتين ثلاث هذى شيطونه حيل وعنده اربع اولاد صبيان الكبير محمد اللى اكبر من اخوك بسنه عمره 23 وعنده طلال ومازن ورضا وهذولي مو متاكد من اعمارهم بس بتستانسون وياهم انشاءالله ... شوق : ايه شكلهم وناسه في بنت بتصير معاي بعمري وبتصير صديقتي خلاص انا قررت ابي ندى تصير غرفتها جنب غرفتي او تنام معي بالغرفه .. انبسط ابو ناصر على كلام بنته وتقبلها الى بنات اخوه عكس رهام وساره اللى ماعلقو او بانت فرحتهم .. ابو ناصر وجهه نظرته الى شوق اللى كانت جنبه وحط يده على راسها يمسح على شعرها ابو ناصر : كبرتي يا شواقه وصرتي مره شوق بخجل : لا يبا بعدني صغيره ابو ناصر : هههههههههه لا صغيره ولا شئ ماناقصك الا رجل شوق ابتسمت بخجل ونزلت عيونها وظلت ساكته ومن جهه ثانيه رهام معصبه وتبي ابوها يطلع عشان تعلق على كلامه قاطهم صوت ام ناصر تهاوش رنا اللى كانت تلعب بلايستيشن ومندمجه وموسخه المكان وياها ام ناصر : تقومي الحين تنظفين المكان تفهمين مابي اشوف ولا غبره رنا : مامي خلى الخدامه تجي تنظف انا مابي وماعرف وماحب انظف ام ناصر واهي ماسكه يد رنا : قلت لك ساعه وبجي اطل ابي الغرفه نظيفه تفهمين رنا بترجي : يـــمــــه ام ناصر : اقول بلا يمه بلا يبا ولا ترجين اكثر قومي نظفي المكان الزباله انظف من هالغرفه رنا بعد يأس : طيب بعد ساعتين تجين وتشوفينها تلمع نظيفه ام ناصر : ساعه مو ساعتين بجي بعد ساعه ابي القاها تلمع وريحتها طيبه رنا : انشاءالله يمه وطلعت ام ناصر عنها عشان ترتب المكان وفي طريقها راحت غرفة ناصر مالقته نايم وسكرت الباب بقوه وبعصبيه وقامت تمشي واهي تكلم روحها واهي نازله قطع ابو ناصر كلامها مع نفسها ابو ناصر: وش صار منو مسكر الباب كذا ام ناصر بقلة صبر : انا سكرته هذا ولدك تعبني يا ابو ناصر البارح مارجع الا على الساعه 2وش يسوي برا الى هالوقت مدري والحين مو نايم بغرفته مدري وين راح شكله بعد مادخلنا ننام انا وخواته طلع يكمل سهرته مع شلة البلاء اللى متابعها والله انا خايفه عليه يا ابو ناصر طلبتك كلم هالولد شوفه ابو ناصر: انشاءالله اكلمه الحين ادق عليه اشوفه وين طالع وينه بضبط توه بطلع جواله عشان بيدق الا شوق تكلمت شوق : يبا اصلا ناصر بالبيت نايم ام ناصر : وينه نايم تكذبيني انا تو داخله غرفته مو فيها وبعصبيه اكثر تصارخ على شوق قولي لى وينه يعني انا عميه ماشوف عشان تقولين لى نايم فى البيت ابو ناصر تدخل لانه شاف ام ناصر معصبه والبنت ماقالت شئ : هدي يا ام ناصر شوق ماقالت شئ هي قالت ناصر نايم فى البيت ام ناصر : بنتك ذي جالسه تكذبني واهي وناصر صحبه مو بعيده قال لها انا بطلع وانتى قولى لهم نايم فى ذا الوقت نزلت دموع شوق وبدت تبكي بدون شعور واهي ساكته ام ناصر : بدت تمثل وتنزل دموع التماسيح
شاروخان عضو ذهبي
الجنس : المشاركات : 2090المـكـان : سنابسينقاطي : 100
موضوع: رد: مراهقات يبحثن عن الحب الإثنين 2 يونيو - 9:36
ابو ناصر: خلاص يا ام ناصر خل نفهم من شوق واهي ماتكلمت وانتى اكلتيها وجه ابو ناصر كلامه الى شوق شوق بنتى وين اخوك هو نام فى البيت وصحى بدري وطلع شوق بدموع : لا ما صحى وظلت تبكي ابو ناصر: طيب سكتى شوي وقولى وينه نايم .. ناصر نايم فى المجلس يا شوق ؟؟ ام ناصر بعصبيه اكثر من قبل : اقولك كذابه لو صادقه نطقت .. فى ذا الوقت ابو ناصر عصب على اسلوب زوجته وهجومها على شوق اللى ماله أي اسباب ابو ناصر : ام ناصر خلاص فكي عن البنت شوي خليها تتكلم ماتلحق تبي تفتح فمها تقول انتى جلستي تعصبين عليها وتقولين كلام ماله داعي ام ناصر: يعني انا الغلطانه الحين طلعت انا الغلطانه ردت شوق قبل مايتكلم ابوها وتشب نار فى البيت شوق من بين دموعها وبصوت مهموم : لا يمه محشومه انتى لا كذابه ولا غلطانه انا الغلطانه واذا على ناصر تراه نايم فوق بغرفتي .. وصعدت شوق غرفتها وصحت ناصر واهي تبكي شوق : ناصر قوم ابوي يسال عنك ناصر: ضايع انا يسئل عني هو يعرف اني نايم ومابجلس ذا الوقت شوق ويزيد بكاها : خلاص قوم انزل لهم شوف شيبون ناصر: وانتي ليه تبكين متهاوشه مع رهام او رنا شوق : لا مو متهاوشه مع احد ناصر: مابقوم الا اذا قلتى سبب ادموعك شنو وقالت له شوق كل السالفه وبعدها خلاها بحالها وراح غرفته يسبح وخلص ولما خلص نزل وشافهم متجمعين والجو نوعا ما فيه مس كهربائي ناصر: السلام عليكم الكل : وعليكم السلام ناصر : خير منو يبيني اسمع انكم جبتو الشرطه والدفاع المدني يدوروني ابو ناصر: ابد انا اسال عنك قالو لى مو فى البيت التفت ناصر الى امه : يمه ترا حرام اللى تسويه بشوق كل يوم تبكيها ورجع التفت الى ابوه خير يبا امرني بغيت شئ ابو ناصر : اول شئ متى بتصير رجال وبتصحى بدري مابقى شئ وياذن الظهر وانت نايم ناصر: يبا انا امس مانمت الا الفجر جالس عند شواق بس اوعدك اليوم اضبط نومي ابو ناصر : انا وثقة فيك وانتظر تنفذ وتكون قد الثقه ناصر : من عيوني يا الغالي .. والشئ الثاني اللى تبيني فيه ابو ناصر : متى تخلص جامعتك ناصر: كلها كم شهر وانا مخلص تعرف يبا انا باقي لى نص سنه الحين وبخلصه انشاءالله ابو ناصر : انشاءالله بس انت شد حيلك وطلع لنا بنتيجه زينه ناصر بضحك وروقان: افا عليك يبا انا اذا ما اخذت جيد باخذ مقبول ابو ناصر: هههههههههههههههههه طالع على ابوك شاطر ناصر : ههههههههههه اعجبك .. يبا في شئ ثالث ولا مافي ابو ناصر : الا فيه ماخلصت كلامي انا وانت طايح لي مسخره وضحك ناصر: امرني يا الغالي تبي تزوج من بكره اشوف لك عروس ابو ناصر : شكلك تبي تنومنا برا البيت اليوم امك معصبه وانت طايح لي ضحك وهبال ناصر : طيب يبا السموحه بس قولى وشو الشئ الثالث ابو ناصر : بيت عمك ابومحمد بيجون بعد سبوعين عندنا وبيسكنون معنا ناصر باستغراب وعلامات تعجب : أي بيت عم واي ابو محمد ماعرفهم هذول وجلس ابو ناصر يذكره في محمد اللى كان كله معاهم قبل ما يسافر ابو محمد لين ناصر تذكرهم ناصر: بس يبا عياله كبار كيف يسكنون عندنا وخواتي وخواته كيف ياخذون راحتهم ابو ناصر: لا تحاتي انشاءالله هالشئ انا بضبطه انا من بكره بشوف مهندس زين بخليه يضبط البيت بحيث يصير عدة اقسام وانا افكر اني احط الى القسم اللى بتكونو فيه انتو الشباب درج خارجي وجلس يسولف مع ناصر عن اللى مخطط له واذن الظهر وتفرق الكل عشان يصلون اما في بيت ابو محمد كان الكل مبسوط على الخبر وتقبل ابو ناصر وترحيبه الى ابو محمد وينتظرون انهم يرجعون يلتقون فى بيت عمهم وترجع العايله مترابطه ومو متفرقه وكل واحد يخطط ويحلم كيف بكون كذا وكيف شكل هذا وشياء متفرقه من التفكير اللى جاء في بال كل شخص الا ان محمد ورضا سالو ابوهم نفس سؤال ولد عمهم ناصر لابوه كيف بنعيش كلنا في بيت بس هنا ابو محمد ماعرف الاجابه او اللى يخطط له ابو ناصر فرد على عياله انه بيسكنون فتره لين يشوفو لهم بيت وبيطلعوا ومر اليوم على عايلة ابو محمد عادي اللى راح يطلع مع اصحابه واللى يفكر واللي يقضي اشغاله واللى يفكر بفكار مختلفه عن اللى جاي فى الطريق مع عايلة ابو ناصر .. (ندى عمرها 15 اصغر من شوق بشهر طيبه ودلوعه وخفيفة دم بيضه وشعرها بني مايل لشقار طويل حجمها صغير وقصيره وملامحها تبينها اصغر من عمرها ) (فرح عمرها 3 سنيين حلوه وتجنن كتكوته ) (محمد عمره 23 واهو اكبر واحد ومتحمل مسؤالية البيت كثير واهو موظف شركه .. وسيم وجذاب عيونه لونهم عسلي فاتح ملامحه هادئه وطويل ولون بشرته حنطي لون شعره اسود وناعم اخلاقه جدا عاليه ويحب يمزح بس فى وقت الجد يكون انسان جدي بقوه) (رضا عمره 20يدرس فى الجامعه ثاني سنه تخصص هندسه كهربائيه مغرور وسيم مايتكلم كثير مع احد انسان في حاله هادئ ورومانسي وطموحه فى الحياة يكون انسان ناجح والكل راضي عليه مايتقيد براي احد اللى براسه دايم يسويه)
شاروخان عضو ذهبي
الجنس : المشاركات : 2090المـكـان : سنابسينقاطي : 100
موضوع: رد: مراهقات يبحثن عن الحب الإثنين 2 يونيو - 9:36
طلال عمره 18 فى ثالث ثانوي شياكه بقوه يحب الكشخه انيق بشكل كبير اسمر شعره اسود وطويل شوي و ناعم طوله طويل نوعا ما يحب الكوره عصبي خفيف دم وكله ينكت ومو مخلي احد بحاله )
(مازن عمره 12همه بطنه يحب يلعب بلايستيشن شاطر فى دراسته ويحب نفسه كثير) بعد اذان العصر ومن بعد الغذا والراحه الكل متجمع تحت الا شوق جالسه بغرفتها بين اوراقها وبدينها قلم رصاص كانت جالسه تكتب خواطر ومذكراتها اليوميه بكل هدوء انطق باب غرفتها ونفتح التفت لقت ناصر داخل لها واهو يغني اغنية عبد المجيد عبدالله ماهي هالليله وبس وانت متغير علي صار لك كم ليلة وانت وانت بالك ماهو لي ... وصل الى السرير ورما نفسه عليه واهو يواصل الاغنيه وشوق مندمجه معاه وتغني وياه ويوم خلص قام يلحن اسمها شواقه سرحانه مدري شفيها يبي لها تفاحه تاكل فيها وشواقي زعلانه تبي رمانه ومحد معاطيها جلست شوق تضحك على حركات اخوها شوق : هههههههههههههههههه ورمت عليه وساده كانت حاطه يدها عليها ناصر: شرايك فيني اصلح اصير مؤلف شوق : اما مؤلف كان يرمو عليك الطماطه والبيض بوجهك ناصر: افا هذا وانا اخوك تقولين كذا كيف عدويني شوق : بيرقون لما يشوفوك غرقان بطماطك وبيتشمتون فيك شوق وناصر : ههههههههههههههه شوق : تصدق انه حنا مجانين نضحك بدون سبب ناصر: اكيد اصدق مسوى انا جالس مع مجنونه مثلك شوق : نصور خاطري اطلع واضحك وستانس شرايك تطلعني ناصر: متى ؟ شوق : الليله خلنا نطلع تكفى طلبتك ابي اطلع مليت من البيت ابي اغير جو ابي اتنفس ناصر وخاطره مكسور : خلاص الليله امر عليكم اخذكم كلكم وطلعكم بعد شتبين شوق بضيق : خلاص مابي اطلع يا لحالي يا مابي ناصر: ليه ماتبين كلهم خواتك وامك وناخذ معانا الوالد شوق : مابيهم مسوى كل مانطلع مكان لازم تصير هوشه وضايقوني حتى لو ماسويت شئ غلط ناصر: طيب خلاص بطلعك لحالك الليله بس وين تبين تروحين يعني وين اوديك شوق : أي مكان بس اهم شئ اطلع وبعد ابيك تعشيني على حسابك يعنى توديني مطعم عدل مو حي الله لازم يكون انيق وحركات مثلي ناصر واهو يناظر اخته وبرائتها وتصرفاتها اللى كانها طفله تمنى انه يتزوج وحده نفس شخصية شوق واحلامها البريئه شوق : نصور وينك وين سارح ناصر: ها لا مو سارح بس افكر وين نروح اليوم شوق : لا عينك تقول شئ ثاني اصلا انت كنت تناظرني وتتبسم وتناظريني نظرات فيها حنان واعجاب شكرا يااخي الكبير ادري معجب فيني واهي تجلس وتتدلع عليه ناصر: من زينك انعجب فيك ولا من زينك اناظرك بحنان ولا من زينك عشان تسوي نفسك تعرفين تقرين العيون شوق واهي تتصنع الزعل : انا مو مزيونه ليش انت تصف معاهم بعد وثاني شئ انا حسيت فيك ما قلت اقرا العيون ناصر اللى صدق انها زعلانه : شواقه امزح معاك انتى القمر والزين كله وانتي تعرفي غلاتك وتعرفي هالكلام مو من قلبي وادري فيك تحسين في اللى حولك وتعرفين شفيهم بسرعه خلاص لا تزعلي انا كنت امزح وياك بس ابيك تتدلعين وتشوفين نفسك وتضحكين شوق اللى جلست تضحك من قلب على اسلوب اخوها : هههههههههههه يحظ اللى بتاخذك يا الحنون من جد بتستانس عليك وانا مو زعلانه بس امزح وياك بعد نط لها ناصر ومسكها وجلسها عدل : شوق بقولك شئ يا حصالة افكاري شوق بهتمام : امر قول انا اسمعك ناصر: مايامر عليك عدو بس .. وسكت وشوق تناظره مستغربه ليه سكت شوق : نصور وش فيك ساكت بس شنو ناصر: بقولك شوق بقلة صبر : قول لا تطولها واهي قصيره ناصر بعد مارتب الكلام اللى بقوله : انا من شوي كنت افكر في اسلوبك وانا بصراحه اذا بتزوج ابي وحده مثلك كذا مايبين عليها كبيره ابيها مهبله وتضحك وابيها بريئه مثلك يعني ابيها نفس شخصيتك ابيها تفهمنى بسرعه بتسمت شوق بغروره : مافي مثلي تراك محظوظ بكوني اختك .. وبشويه ناظرته ورجعت الى كلامه وبشكل جدي شوق : انت ليش تفكر كذا بعدها بدري ناصر: ابد بس يمكن عندك وحده من صاحباتك مثلك ونفس اسلوبك وشخصيتك شوق : لا ماعندي وبعدين انت فكر بدراستك وخلص تراك نمت فى الجامعه وبعدين فكر بـ الزواج وغيره ناصر: يعني حرام افكر بذا الوقت وحلم شوق : لا مو حرام بس انت تدرس وللحين ماكونت نفسك ولا تبي تعيش عاله على غيرك ناصر: اشك انه عمرك 15 شوق اللى ابتسمت الى كلام اخوها اللى دايم يشجعها ووحسسها بامان الدنيا وحسسها انها كبيره وكل كلامها صح ومافيه أي نوع من الغلط ناصرواهو يكمل وناظر اخته : انتى عمرك 15 وتفكيرك كذا لو عمرك 30 وش بكون تفكيرك شوق التفت له : اذا صار عمري 30 بجيبك تحكم لانه طول عمرك تحكم على اسلوبي انه حلو وزين وماتنتقذني ولاانك تحسسنى بمدى اهميتى بالدنيا فـ اذا وصلت الى 30 وصار عندي عيال بجي لك وبشوف وش تقول عنى انتبه ناصر الى الاوراق لمبعثره على الارض والدفتر اللى على السرير ومسكه وقعد يقلب فيه ولتفت لشوق لقاها تجمع الاوراق اللى على الارض وهي تغني اغنية راشد ودي ابكي لين مايبقى دموع ودي اشكي لين مايبقى كلام من هموما صارت بقلبي جموع ومن جروحا احرمت عيني المنام ... جمعت اوراقها وتوجهت وجلست جنب ناصر اللى يناظرها ويناظر الدفتر ابتسمت له شوق شوق ببتسامه : تبي تعرف وش مكتوب بدفتر صح
شاروخان عضو ذهبي
الجنس : المشاركات : 2090المـكـان : سنابسينقاطي : 100
موضوع: رد: مراهقات يبحثن عن الحب الإثنين 2 يونيو - 9:37
ناصر بادلها نفس الابتسامه : ايه خاطري اقرا اللى فيه مسوى اشوفه دايم معاك شوق : عادي اقراه بس ماتقول لحد عن اللى مكتوب فيه ناصر: من عيوني مابعلم احد عن اللى فيه شوق : خلاص انت خذه اقراه واذا خلصت جيبه ناصر: طيب بس مابقراه اليوم مسوى اليوم بطلع مع الشباب وقايل لبوي برجع من بدري عشان بكره بعد عندنا كم شغله لانه بيت عمي بيجون ولازم نرتب اوضاعنا شوق : ادري انهم بيجون ودري ابوي كيف مخطط ابتسم لها ناصر وستاذن منها عشان يطلع ويجي بالليل بياخذها بيطلعها نزل ناصر الصاله والقى ام سامي جالسه ومعاها بنتها هند ناصر: السلام عليكم ام سامي وهند: وعليكم السلام ناصر جلس ينادي الخدامه : روز روزوووه روز : نعم ناصر ناصر: وين امي ماشوفها بصاله روز : المدام فوق الحين بتنزل ناصر: طيب قولى لها ناصر طلع برا البيت واذا تبين شئ هو بيرجع بعد صلاة العشا خل تدق علي اذا بغت شئ روز : انشاءالله اقول لها لما تنزل ناصر: يلا سي يووو وتركها ناصر وطلع وراح الاستراحه اللى يتجمعون فيها الشباب بالعاده في الاستراحه بعد ما وصل ناصر التقى بـ عبود كان نايم وجواله يدق واهو ولا حاس فيه ورامي ومشعل يلعبون قيم وكل واحد متوعد فى الثاني وفي الجهه الثانيه من الاستراحه بدر كان يكلم بالجوال خويته وجالس يكذب عليها الكذب بنواعه وشكاله راح ناصر الى المطبخ الموجود بالاستراحه وفتح الثلاجه ولقى غرشة شطه حاره واخذها وراح جنب عبود اللى كان نايم ومو داري باللى حواله حط شويه فى صبع يده ومسحه على فم عبود ورجع الشطه مكانها وجاب كاس ماي بارد ومعجون اسنان ورجع الى عبود وجلس ينقط عليه بالمويه البارده .. بعد جهد جهيد من ناصر قدر يخلي عبود يقوم ويتكلم ويحس بحراره بفمه عبود : وش مسوي وانا نايم ناصر: ماسويت شئ ليش شفيك عبود مسك ناصر من بلوزته : نصور في فمي شئ حار كانها شطه وش مسوي ناصر ماسك ضحكته على شكل عبدالله اللى كله عصبيه : ماسويت شئ انا وبعد يدك عندي لا ادفنك بوسط هالصاله ..ناصر بحركه سريعه بعد يد عبود من عليه وفتح المعجون وصبغ وجه عبدالله فيه وطلع برا فى الحديقه وعبدالله يلحق وراه عبود : نصور اذا انت رجال اوقف ناصر: ماني واقف واذا انت رجال الحقني عبود : طيب اوريك يا الثور تسوي فيني كذا ناصر واهو يركض توجه بسرعه الى الماي اللى يبلو به الزرع واخذه وفتح الماي ومن وصل عبدالله فى وجهه رشه فيه واهو يضحك وعبود معصب وبنفس الوقت مبسوط عبود : يا ثور خلاص غسلتنى بس يكفي ماعندي ملابس ناصر: طيب ابعده عنك بس ماتقرب وتغدر بي عبود : طيب اوعدك ابتسم ناصر والتفت الى مكان بدر اللى جالس يكلم خويته ومبسوط على الاخير وناظر عبدالله بخبث وتقرب من عبدالله وقاله شرايك نخرب على بدر الجو وافقه عبدالله بدون أي تردد ناصر: انت خذ هوز الماي والحقني انا بروح اسولف وياه وبسوي نفسي مدري عبود تعجبه افكار ناصر من هالناحيه ويحب يحط يده بيد ناصر ولانه صديق ناصر ودايم يثق فيه بكل شئ عبود : طيب انت تقدم وانا وراك ناصر مشى الى بدر اللى لما شاف ناصر تضايق وعرف انه بيجي ينكد عليه وبعلق على مكالمته ناصر: هلا بالبدر شفيك جالس لحالك والشمس طالعه بدر : ابد اكلم جوال ناصر: انا من جيت صار لى ساعه مو شايفك داخل اثاريك متخبي هنا وجالس تشرب حليب بدر : سخيف حدك ويوم شايفني مشغول ليش راز وجهك عندي يلا روح العب بعيد ناصر: افا سخيف مره وحده بس معليش ابلعها لاني احبك واموت فيك بدر : يلا روح ماتشوفني اكلم ناصر بنذاله : انا من عرفتك والتلفون ماينزل من اذنك بدر بأدب مصطنع : ممكن تتركني الحين ناصر: لا مقدر قوم ابيك الحين ولاحق على الايس كريم بدر بضيق : اوف منك طيب جاي اسبقني ناصر بفرح : لا يدي في يدك ماقوم الا معاك ناظره بدر بنظره مو حلوه ذاك الزود نظره حقد وضيق ورجع الى جواله بدر واهو متضايق : سهى حبيبتي سهى : هلا حبيبي شفيك بدر : ابد سلامتك مافيني شئ بس الحساد جو سهى : وانت ليش مضايق نفسك طنشهم بدر : لا هذا ناصر موب راضي يتحرك من عندي الا اذا قفلت وقمت معاه سهى بضيق وعصبيه : وهذا شيبي ناشب لنا بدر : مدري بس يقول يبيني ضروري في ذا الوقت قاطعهم ناصر ناصر : اقول يا المغرم يا العاشق ماتخلص ترا وقفت كثير ومن جه ثانيه سهى معصبه وجالسه تتكلم مع بدر سهى : بدوري حبيبي انا اكرهه ذا صاحبك ناصر ليش يسوي كذا
شاروخان عضو ذهبي
الجنس : المشاركات : 2090المـكـان : سنابسينقاطي : 100
موضوع: رد: مراهقات يبحثن عن الحب الإثنين 2 يونيو - 9:38
بدرواهو يكلم ناصر : قلنا لك تقدم وانا وراك انت مو راضي سهى ترجع تكلم بدر : اسكت عنه احقره اهو اذا مل بيروح بس لا تقفل الحين ابي اسولف وياك مشتاقه لك ناصر واشر على بدر انه يسكر بسرعه لا ياخذ الجوال منه وقفله بدر بدلع ممزوج بضيق : انا بعد مشاق لك بس ذا العله مايبي يتحرك شسوي له يعني سهى بزعل : يعني بتقفل بدر : ايه حبيبتى بقفل الحين وبكلمك بعدين بس اشوفه شيبي سهى : اوكي بس مو تطول بنتظرك بدر : طيب مو مطول يلا باي سهى : احبك باي وقفل السماعه وقام مع ناصر واهو معصب بدر: انت ليش تسوي كذا هالبنت تو مضبطها ناصر: وانا وش سويت بدر: ابد ماسويت شئ ماسويت الا الخير ناصر واهو يتكلم مع بدر واهم يتوجهون الى مكان عبود اللى صار له ساعه ينتظر ومن شافهم عبود جايين جهز نفسه للحفله اللى بتصير فى ذا الوقت وبدر يلوم فى ناصر ولا يدري باللى بيصير له الحين وتقربو اكثر عند عبدالله ودفعة ماي قويه تجي بوجه بدر وناصر اللى تبللو من فوقهم لتحتهم وبدر عصب وماتقبل اللى صار اما ناصر وعبود مبسوطين وناسين انه خط لهم شنب يلعبون مثل الجهال بالماي تركهم بدر بعد ما رما عليهم كم كلمه ودخل الاستراحه اما ناصر وعبود جلسو يناظرو بعض ويضحكو على اللى سوه في بدر ومن جهه ثانيه في بيت ابو ناصر كانت ام سامي وام ناصر والبنات فى الصاله نزلت شوق تسلم وبيدها عبايتها وشيلتها تبي تروح السوق مع بنات عمتها بعد ما اخذت الاذن من ابوها وقال لها تروح شوق: السلام عليكم الكل : وعليكم السلام وجهة نظرة مقت الى هند والتفت بسرعه وكلمت امها : مامي انا طالعه السوق مع بنات عمتي الحين بيمروني ام ناصر : قلتي لبوك شوق : ايه يمه قلت له وقالي روحي ام ناصر: بتروحون مع منو شوق : اكيد قاسم <<السواق ام ناصر: طيب انتبهي لنفسك شوق : انشاءالله يمه .. احد يوصي شئ من السوق ساره بحركه لطيفه بوجها : ايه انا ابي اروح معاكم شوق : طيب قومي البسي بسرعه ترا اهم جايين فى الطريق ساره : طيب 5ثواني واكون جاهزه وتركتهم ساره تروح تخلص عشان تروح مع شوق السوق وبطريقها مرت ابوها وستاذنته وخذت منه فلوس بينما شوق جالسه بـ الصاله تنتظر ساره بهدوء ام سامي واهي تتكلم مع ام ناصر : كيف تخلين بنات يروحون السوق لحالهم مامعاهم رجال ام ناصر: عادي رايحين مع بنات عمتهم وكلهم بنات واللى بوديهم السايق وكلها ساعه ساعتين وراجعين متعوده عليهم كل مره يروحون مع بعض ام سامي وتبي تثير الشك في نفس ام ناصر على بناتها : ايه بس هذول بنات ومايندرى بـ الدنيا يمكن يروحو مني او مناك ولا شئ ام ناصر: الدنيا مابها امان بس حنا واثقين من تربيتنا ام سامي واهي تناظر شوق : ايه بس بنات هالزمن يخوفون اذا الحين طالعين لهم طلعه يحبون بنات مو بعيده يجيبون شباب وحبونهم ام ناصر بعصبيه : ليش تقولين كذا يا ام سامي هذول بناتنا وواثقين فيهم وواثقين من تربيتنا لهم ومايصير تقولين هالكلام على الناس ومو كل البنات مثل مثل ام سامي ببرود اعصاب : وانتى ليش معصبه ماقلت شئ غلط بس البنات يبي لهم رقابه ومساك عشان لا يغلطون رت شوق بعصبيه على ام سامي اللى بدت تشوش امها عليهم شوق : بدل ماتتكلمين راقبي بنتك ومالها داعي هالكلام والواحد عليه من عياله مو من عيال غيره ويكفي كلام يطلع علينا من بنتك واذا شايفيني ساكته على اللى قالته بنتك ترا مو خوف بس رب العالمين بياخذ حقي منكم وجعله يوريكم في بناتكم الكل مستغرب من انفعال شوق وام ناصر متفاجئه من شوق اللى هاجمة وبعصبيه ام سامي وما تركت لهم مجال يتكلمون وبنفس الوقت رن جوالها وخلاها تسكت وترد على الجوال شوق : الو ... وعليكم السلام ... اوكي يالله الحين اطلع مع ساره ... ايه ... باي ونادت شوق ساره وطلعو وراحو السوق وخلت الكل فى الصاله عليه علامه استغراب انه شوق ترد واهي بالعاده تسكت وتبتعد من المكان اللى تكون فيه أي نقاشات ماتريحها ام ناصر تبرر تصرف شوق : السموحه ام سامي بس شوق معصبه شويه عشان كذا هالكلام واهي جاهل ما تدري وش تقول ام سامي : هذي بنتك قليلة ادب ماتعرف تحترم اللى اكبر منها ام ناصر سكت لانها ماتدري وش تقول ولانه تصرف شوق غلط ومهما كان ام سامي حرمه كبيره والمفروض ماتتكلم معاها بذا الاسلوب حاولت رهام تلطف الجو وقامت المطبخ تجيب حلى مسويته ام ناصر وشوي شوي تحسن الجو وتبدلت العصبيه الى ضحك لاكن فى نفس الوقت هند تبي تنتقم من تصرف شوق والحقد مالي قلبها التفت الى امها وبصوت واطي هند: يمه متى بنروح البيت ام سامي ببتسامه الى الموجودين : مو الحين انا قلت لخوك يجي مع اذان المغرب هند بقهر: اوف يعنى مطولين ام سامي : ايه سكتي يلا ...ورجعت ام سامي تتكلم مع رهام وام ناصر وفي الاستراحه بعد مادخل ناصر وعبدالله داخل الصاله اللى يتجمعون فيها الشباب لقو بدر جالس ومعصب راح له ناصر ولحقه عبدالله وجلسو بجنيه ناصر ببرود : شفيك بدر معصب وتهذر لحالك كانك مهبل بدر: مافيني شئ بس جوالي اخترب من الماي ناصر: وخير يعني وخترب اشتري جديد بدر : جيبو لي واحد انت وعبود
شاروخان عضو ذهبي
الجنس : المشاركات : 2090المـكـان : سنابسينقاطي : 100
موضوع: رد: مراهقات يبحثن عن الحب الإثنين 2 يونيو - 9:39
عبود : لا حبيبي انا مفلس دور لك احد غير
بدر: مو شغلي تجيبون لي واحد
ناصر واهو يقهر بدر ومسوي نفسه مفلس ويكسر الخاطر: والله انت تعرف بالحال يا اخوي ابوي هاليومين مو راضي يعطينى فلوس يعني مقدر
بدر بعصبيه : اجل عطيني جوالك واذا ابوك عطاك فلوس خذ لك جوال
ناصر : لا حبيبي جوالي لو تموت ماعطيتك وياه
بدر: مو انتو اللى خربتوه الحين كيف اكلم البنت وانا قايل لها مابطول
عبود : لا تكلمها لازم يعني ..وانت من جيت عندنا وانت تكلم وثاني شئ حنا مانشوفك طول وقتك فى التلفون من بنت لبنت متى بتعقل
بدر : مابعقل وهذي البنت صاروخ حريقه تجنن وثاني شئ هي اللى تبي انا ما اجبرتها تكلمني
ناصر: انت عندك خوات يا بدر ومو زين اللى تسويه فى بنات العالم بكره ربك يعاقبك بخواتك وعيالك مايصير
بدر: لا تسوي نفسك النصوح بكره تسوي مثلي واكثر وإذا على ذي البنت هي تعرف عشره امثالي وازود مني
ناصر اللى ماعجبته كلمة بدر: ماسوي نفسي انصح ولا شئ ولا بسوي مثلك بس وش تستفيد من العب في بنات الناس والهذره اللى مالها داعي طول الوقت
بدر: ابد اقضي وقت فاضي وتسلى
عبدالله : اتركه عنك يا ناصر مصيره يعقل ويترك ها السوالف
وجاء وقت اذان المغرب وقام الكل يصلي وبعد الصلاة ودق جوال ناصر وكانت النغمة سلمان حميد لبيه ولما انتبه له بدر قام يضحك وبصوت عالي ويقول الى عبدالله مو قلت لك بصير مثلي هذا اهو شوف الحين بيكلم منو ناصر وجه نظره الى بدر
