أبعرف ليـه يآدنيآ كذا حظّي وفيه عثـور..

.

.
.

سنة راحت لها بالضبط غير اليوم خمس شهور
تولّع قلبي بحبـّـه .. وأكـنّ لقلبي الأعـذآر

رميت الهم لعيونه .. وبعيونه نسيت الجــور
يسآبق قلبي دقّآقته .. قبل لآ ينتهي المشـوآر

قسم بالله بغيـآبه آحس آنّ الفضـآ مهجــور
تضيق الدنيا بعيوني .. وآحس آنّ الزمن منهآر

صدمني في غيابه .. من غيابه خافقي مكـسور
تجرّعت الألم حسره .. بكيت من القهر تكـرآر

خبر جآني يبين لي الصدود وصرت أنا المقهور
دموعي لآ إراديـًـا .. على خدّي كما الأنهـآر

بلآي انّي وسط جمـعٍ حـوآليني يلفّ يــدور
أحس عيون ترقبنــي .. وكنّي ملفت الأنظآر

أحـآول أخفي دمـوعي ، ولكنّ الألم منثــور
بعد هآك الخبر قصفٍ على قلبي .. ورآه اعصآر

وأحـآول تهدية قلبي ولكـن مآ عليه قصــور
مقـآدير الزّمن تقسى وتشعل في وريدي نــآر

آبخفي دمعتي وآسكـت واسلّـيـها وانآ مجبور
اخآف عيـون خلق الله من دمـوع القهر تنهآر

خلآص اللي مضى يآ قلب لآ تسأل عَنـُه وتدور
خلآص اليوم يآ قلبي أبي تنسى وش اللي صـآر

أبيـك تعيـش متهنّي ، أبي تلقى فرح وسـرور
أبي كل السعد يغشآك .. وآغسل عجتي بأمـطآر

وابمسح لهفة اورآقي وارتب مآ مضى بسطـور
أبيه يكون في صدري وآبنسى صحوة التذكـآر

من صدوده وانآ ادوّرعـلاجٍ يبري الميســور
لأني مآ لقيت اللي .. يشآآفي .. يمحي الآثـآر

ولأني عـآجزة أنسـى تجآهل من بليد شعـور
وهو يطعن ولآ يهتمّ كان بصمت أو آجهـآر

فعـلك يآعديم الذّآت .. فيني ما آنت به معذور
ترى عآر اللي سوّيته قسـم بالله أكبـر عـآر

جروحـي منك مآ يقدر يعآلجها ولآ دكتــور
جروحٍ في قفص صدري عليها من الزّمآن غبآر

جروحي بآقيـة رطبة ولو مرت عليها عصور
مآ غيـر الله ينسّيني .. قليبٍ قآسيٍ .. غـدّآر

أنآ لآ جيت ابسترجع حقوقي صرت أنآ مكسور
ذكرت الطيبة ونبرة حنآنه يوم حنـّـا صغـار

وقلت الله من قلبـي ، لـ صوتٍ ممتلي بشعور
ضحكت وطـآب لي الخآطر وكنّي مآخذة بالثآر

وانآ لآ من تهيّآ لي خيـآل العـآشق المغـرور
يجي بالشعر لي كله .. شجـآعٍ قـآيدِ مغـوآر

يخيّرني على قآفـه ، على وزنه بعد وبحـور
وألقى الشعر بعده شعر ثم الشعـر بعد اشعـآر

أبعرف ليــه يآدنيآ كذا حظّي وفيـه عثـور
الآ جينـآ نبي نفـرح توقّف بيننـآ الاقـدآر

أنا اعرف لعبة الايام ، تلعب دورهآ المحكور
ولكن ماتصوّرت اللعب نآتجه صآر أضـرآر

واذا انتي حتّى يآ دنيـآ بديتي تفرّقي بالــدور
وأبعدتِ الصديق المخلص الوآفي وعفتي الجآر

أكيد بقصّة الأحبـآب بآلك ممتلي بشـرور
رويتي قصةٍ فينـآ .. جعلتينآ بهآ نحتــآر

نسبتيها لشهر آبريل وهي كذبة ترآها عصور
تخلّي بالقلـوب آلآم ، وتبقى بالنفوس آثآر

انآ مآلي سوى ضرب الكفوف مْع الونين دهور
لعلّ حمول عن صدري تخفّ وتنهدم أسـوآر

ألآ يالله نآجيتك ، تخفّف عنـّي المعســور
رجيتك يالولي يالخآلق النّآفع .. بعد والضّآر

وتمحي كل زلاّتي ، وآبي بالقلب تدخل نور
تعين الروح في شكرك بلآ مقيآس أو مقـدآر

.
.
.



: مخرج }ــ

تسلم يـ الذووق
و لا منكـ يارب
نووورت بطلتك المميزه
تحياتي احلاهاا
][ همس الخواطر ][

ربي يعافيكـ يالغلاا
ولا منك يارب
نوورتي صفحتي بتواجدك
دمتي بود
][ همس الخواطر ][