احـــــــــــــبك لو احبـــــك ياهي تختار
واذا تختارهن ما يكـــــــــــــــــفن اثنين
لان بيه انته كلك طـــــــــــــول بالطول
لمن امشي اشوف ابصفي ضـــــــــلين
عندك نصي ضل والــــــــــــثاني وياك
وماكو انه بقيت ابعدك اســــــــــــنين
بالف عين ارد اشوفك من الاكــــــيك
متكفي حبيبي شويه عينـــــــــــــين
اريد اكلوب املك عشره عـــــــشرين
كلب واحد قليل ايعشكك اســــــنين
وخايف درب حبنه ايخلص ابــــــساع
مو عالكيف كمت امشي عله كيفين
وتلاكينه ودمعنه ايســــــــولف الحال
وتشابكنه ونحس كلش بعيــــــــدين
ماكلك تلاكـــــــــــــــــــــينه صدك لا
لان بيه انته يعني احنه امتــــــلاكين
ماي الشعر يالمحبوب دمـــــــــــعات
وصفت ماي الشعرتبجــــــيلك العين
كل نبضه تدك وانـــــــــــــــــته ماكو
تطعني واحس النبضه ســــــــــجين
وصار اسنين غايب انته ولـــــــــــهاذ
تعال اكعد بكلبي احسب سجاجين
