أبي أبكي من الضيقهـ ..~

أبي أبكي من الضيقة وأبعزف للهموم ألحان
أبي اطلق مواويل الحزن وبطرح كل دواويني

أبي أشكي أبي أحكي أبوصف للبشر حرمان
أبيهم كلهم يدرون أبيهم يشعروا فيني

أبي لا من طرى أسمي بكى من لوعتي العشاق
أبي لامن طرى"عاشق" ذكر من كان يغليني

أبيهم يذكرون أني صرت بدمعتي غرقان
أبيهم يعرفون الهم هوأللي صار يخاويني

أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني

أبي أترك لهم قصة وأخيّرهم على العنوان
يسمّوا "حزن"يحطوا "دمع" ..ما عاد يعنيني

أبي لامن وصل صوتي يحس بضيقتي إنسان
أبي لامن نزف جرحي لقيت أللي يداويني

أبي شخص يجي يمي و يقفل للعنا بيبان
أبيه يكون لي خلٍ وعلى حزني يواسيني

أبيه لمركبي مرسى وأبيه لغربتي أوطان
أبي لامن ذرفت الدمع لقيته لي يعزّيني

أنا ما أبيه يصبح ضلع أبيه يكون لي أضلاع
أبي لا من مشيت وطحت يحط يديه في يديني

إلامن خانني التعبير أبيه يكون لي لسان
أبي لامن سكتْ ألقاه ..يفهم من نظر عيني

أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني

أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني

أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني

أبي أشعل شموع الحب وبأعطي من الغلا بستان
أبي أهـــديه باقة ورد مسقـــــيها شراييني

ولله ذووق يالذوووووق
روعه الله لايحرمنا منك ولا من روعه مواضيعك
تحيآآآآآآتي مجبوور

يسلموؤؤؤ حبيبتي على القصيدهـ

ربي يعطيكـ الف صحه وعأإفيهـ

ولا يحرمنأأ منكـ ولا من روعة مواضيعك

تحيأإأإأإأإأإأإأإأإأإأإأإأإأإتي

وردهـ العشأإق

قصيدهـ رآآآآآئعهـ،،،

يعطيك آآآلف عآآآآفيهـ،،،

ننتظر جديدك بشوؤوؤوؤوؤوق،،،

تحيأإتي
تعبت أشتاااق