أضيق وأرفع يدي لله .. وأظل أطلبـه !
وأمش دمعي .. وأقول إن طالت الله لنا ..
وألد عيني .. لسجـادة صلاتـك يبـه ..
وأقول : كان آخر أيامه .. يصلي هنـا !
●●●
ما على عقلي سلاسل ولا قلبـي قيـود !
وماني منزه على الناس بالصح والخطا ..
حظي اللي حط رجلي على خط الحـدود
لين نامت ذكريات بـلا ستـر وغطـا !
لو بيدين العاشق الراحل لغيرك .. يعود !
كان بان الصدق بعيونه وبـان العطـا ..
●●●
طاحت سنيني من يدين أحباب !
من وين أجيب أيام وأحيى به .
●●●
فراشة يلاعبها الهـواء بيـن صبـح وليـل ..
تنـام ووسادتـهـا ورود وغطـاهـا حــب
وتصحى علـى قطـرة نـدى ماسكـة منديـل
تبـي تمسـح الدنيـا طهـارة وطيبـة قلـب
إلا من مشـت ينبـت بأثـر رجلهـا قنديـل ..
وإلا من حكت يفـرح شجـر كـل ذاك الـدرب
وإلا من بدت تضحك بدا كـل غصـن يميـل !!
ويظهر ( صدر ) .. جوفه خضار وضلوعه حدب
●●●
يا رب إمتلى جوفي ذنوب وثقل ممشاي !
وأنا الخايف اللي يرجي العفو والتوبة .
●●●
تاقف على رمل البعاد ..
وحـولـك أحبـابـك !
عينك على كل الفضاء ..
وعينـي علـى بابـك
●●●
لا تخيلت بكره .. وش يبي يصير !!
قلت : ربي .. عسى يعطيـه خيـره
جاء لقلبي .. وهو شيخ الغناديـر ..
وغاب عني .. وهو عيني البصيرة ..
●●●
يفز من غصني اليابس حمامـة سـلام !
وتطيب نفسي من الشكوى .. وكثر العتب
مرات أحس الزمن .. ما يستحق الملام ..
ومرات .. يصعب علي أحزن بليا سبب !!
●●●
وحيد .. إستفردت في صدره الظلمى .. وغاب النور !!
حيا بأرض الغرام .. وماتـوا أصحابـه وجلاّسـة ..
●●●
وإنتهينا !
والزمن يضحك علينا
لا بكينا !
والوداع اللي دريت إنه نصيبي ..
ياحبيبي ..
مو بيدينا !!
ماعلينا ..
أدري ظروفك قوية ياحبيبي .
يا حبيبي .
يا حبيبي .
وأكثر اللي بأفقده كلمة حبيبي !!
كانت شفاهك
تهجاها علي كنها قصيدة
مب جديدة
بس مامرت علينا
الغدير
مصدر هدير الماء .. نشف
الزفير ..
صوتي وأنا أتنفس .. وقف
وضاعت أنفاسي مابين الريح واللي صار فينا
صرت قاسي
صرت أصب أحلامي الحلوة بكاسي ..
وأكسره !
صرت أخاف أتذكره
وقبل ميلاد الظروف اللي احصلت لك
بعت ناسي !
صرت مثلك
صرت قاسي !
ما أحس برقة القمرا وهي تضوي جبينك
أو أحس برقة القمرا ولا أدري إنت وينك !
ياحبيبي .
ظنك الدنيا تنسينا بعضنا !
لك معي بأكثر تفاصيلي ملامح
إمسح أبياتي من الدنيا
وأنا والله مسامح !
من زمان
أتخيل إحساسي وأنا أودعك راحل
للحنين ..
لآخر حدود المدينة والسواحل
للسنين ..
اللي مثل جسمي وأنا ناحل
حبيبي .
يا حبيبي !
يا حبيبي !
يا أعز انسان يطعني وأنا راضي عليه
يا أحن أحضان ضمتني وأنا غارق بعيبي !
قول ليه ..
ليه أحس إنك تحاول من زمان
وآخر أيامك قدرت
لين بان !
نظرة الواقع بعينك
صورتي وآنا أدور عنك وينك !
قللي بس وش صار فينا
وين كل وعودنا !
وين آثار البكى بخدودنا
وين حلفك لي
إذا طاري على الهجران على طاري
ما تصد !
تحكي أعذارك ..
وانا والله مسامح !
ما علينا ..
يمكن العشق القديم يظل فينا
أو يموت إليا بكينا !
●●●
تجاهلت الوداع .. وقلت لك : ياصاحبي وش جاك ؟!
ترش الماء على رمضى الطريق .. وصاحبك ضامي !!
حنين اللي نقش إسمك علـى صـدري وخـلا شفـاك
تهجـا مـا يـدور بداخلـي مـن جرحـي الـدامـي
جمعني بالورق قصة وفاء .. عاشت علـى ذكـراك
طمست إسمك من أوراق القصيد .. وصرت بإبهامي !
أنا الوافي علـى كثـر الذنـوب اللـي تبـي أنسـاك
تحزمـت الـوداع .. وشلـت لـك تذكـار بحزامـي
فمـان الله .. رح فـج الغيـاب ولــوح بيمـنـاك
أبرسـم صورتـك فـي داخلـي وأحييـك بإلهامـي
جمعنا ماضـي الحـب الحقيقـي يـا عسـاي أفـداك
أبيـك تطمـن رمـوش السهـر وتقـولـه نـامـي
فزع بعض القصيـد بهاجسـي مـن هـزت الشبـاك
كتبت آخـر تفاصيـل اللقـا .. وإنقطعـت أحلامـي
●●●
تلاحقنـي ذنوبـي فـي طريـق العمـر
ولا آعـرف السنيـن اللـي بتبقـالـي !!
يدينـي غارقـة بأشيـاء غيـر الحبـر
وأبأكتب .. عل يبقى لـي صـدر خالـي
كأن الأرض تحتي من لضاهـا .. جمـر !
عجزت أوقف أشوف شصار فـي حالـي
وأنا .. عبد ٍ ضعيف إحتاج يبكي .. كثـر
هواجيـس الغيـاب لصاحـب ٍ غـالـي !
ولا اجمل من حنين القلب .. غير الصبـر
يعيشنـي " أمـل " لـو مــا تهيـالـي
يحاصرني الشتاء .. وأرجي بصيص الفجر
أبطرد وحدتـي .. وأبقـى مـع ظلالـي
تذكرت الحنين .. وفاض صدري شعـر !!
تفقـدت المـكـان .. إلا أنــا لحـالـي
بقى عندي " قلم " .. بيني وبينـه شبـر
وأنا عـم المسافـة وقـت يطـرى لـي !
تجر إيدي قصيدة .. ليـن بـاب السطـر
وأنا أوراقـي قصـور ٍ صرحهـا عالـي
وأهيجن .. بالزمـان الممتلـي بالطهـر
وأسمّـع صوتـي المبحـوح .. عذالـي
على .. من ودعتني .. وإتركت لي عطر !
أشمّـه لا طـرى موتـي عـلـى بـالـي
يخالفها " الهواء " وتطير خصلة شعـر ..
تقـل يـد ٍ .. تودعنـي علـى فـالـي !
خطاويها يقين إن ( الجفـا لـه عـذر ) !
وهـي بنـت الوطـن ورمالهـا رمالـي
وأراقبهـا .. تراعـي للسمـاء والبـدر ..
وعلى قد الحزن .. كانـت تحالـى لـي !
يبس غصن المـلام .. ولا تجـرّا ثغـر !
يتمتـم بالظـنـون وخيـبـة آمـالـي
وراحـت .. لليـال المجهمـات السـمـر
ورى ظـروف ٍ كثيـرة مالهـا والــي ..
مع إنـي بأفتقدهـا .. بـس تامـر أمـر
لـو إنهـا طالبتنـي روحـي أشـوالـي
وش الأرض اليباس .. إلا حـدود البحـر
وش البحر الغزير .. إلا ( صدر غالـي )!
وأنا ما ادري .. لو أهرب من ذنوب العمـر
أبهـرب مـن طواريهـا علـى بالـي ؟!
●●●
ليه الأيام خرساء .. مـا تـرد السـلام
وليه حتى السنين الماضية .. ما ترد .. !!
لي سنـة رافـع ٍ كفـي .. بليّـا كـلام
وإنكسر خاطر الغيمـة .. ورد الرعـد ..
●●●
لا تسألي يا عصافير الفجر عنهـا !
خلي دريشة لقانا .. وإرحلي عني ..
هي في يدين الرياض اليوم .. لكنها
في داخلي .. وهذا هو اللي مجنني !
●●●
سامح الله خطاك إن كانك أخطيت !!
ما يفيد العتب .. يا نور عينـي ..
روح كمل طريقك .. وإن تناسيت ..
بأطلب الله عسى اللي فيك فينـي !
●●●
كانت هنا ذكـرى .. مشاعـر عميقـة
( كانت ) .. وكل شي إنتهى .. مادرينا
تدري .. أحس إن آخر العمر .. ضيقة !
وإنـي بأضـل أذكـر تفاصيـل فينـا
تكفـى .. الجـروح النايمـة لا تفيقـه
أخاف أصارخ .. وأزعج اللـي نسينـا
وداعــة الله .. ياليـديـن الرقيـقـة
والله مادري .. تذكـر اللـي حكينـا !!
●●●
أبيك تذكر كلمتي .. لا تماديـت !
محد ٍ يبي يفرش لك الأرض زيي
ماهو عشانك أجمل اللي تمنيـت
كم بنت ٍ أبدت لي غلاها .. وأعيي
●●●
الحين "أحبك" وأمس تمشين بخطاك !
لا تاسعـك دنيـا ولا تاسعـك أرض
ألحين " أحبك " وأمس متبرجة هناك
وأنا أقرض يديني من مشاهدك قرض
●●●
يقولون السماء لغز النهار وسـره المكنـون !
وأنا أقول السماء ثوب النهار ولبسـه الدافـي
غيومه كنها قطعة قطن تمسح جـروح الكـون
إلى من سال مع دم الشفـق دم أكثـر أطرافـي
وأنا ماسك جسد كنه شجر صبار وأرجي عون !
وترفات الورق تضحك علـي لا مـرت خفافـي
جسد بنت ٍ نوت درب الرحيل وغمضت العيون ..
عشان إن طاح دمعي ما تشوف شكثر أنا وافي !
●●●
مطار ..
وناس تحجز للمفارق .. عمد !
●●●
( شمس ) .. ضمي يديّ .. أبغى دفى يديك !
زاد .. بـرد الغيـاب اللـي بـصـدري ..
●●●
على بابك !
قضى هذا القمر .. " ليلة " على بابك ..
تخيل نفسه " الليلة " من أحبابك !
وجا لمك ..
ولا همك ..
على بابك !
قضى قلبي أنا " عمره " على بابك ..
تخيل نفسه إنه أقرب أحبابك ..
وأخذ همك ..
ولا همك !
على بابك ..
أنا !
ونور القمر ..
وأطول حكايات العمر ..
وكل ما طرى ..
ذاك الزمان إنه يمر ..
وحزني أنا !
وإحساسي بكبر العنا ..
وإنها نهاية حبنا ..
وإن الليالي تعتذر !
عن سرقت أوقات الهنـــا ..
وخايف أقول إن كل شيء !
وقف على بابك ..
ولا همك ..
ولاهمك ..
على بابك !
تذكرت البراد وريحة ثيابك ..
تذكرت الحكي والهمس
تذكرت الكلام اللي عن إسم الشمس !
هنا من أمس ..
أنا واقف على بابك ..
وأنا أدري !
ما ورى بابك فرح ..
يا وردة أصحابك !
ولكن ..
لي أمل بإن الخفوق اللي إنجرح .. يقسى !
ولا ينسى ..
لأنك أجمل اللي صار لي في عمري الماضي ..
أنا واقف ..
على بابك هنا !
أبكي على غيابك ..
أنا واقف ..
على قلبي أنا !
كله من أسبابك ..
أنا واقف ..
أقول إ
إني : " أحبك "
لو بليا صوت ..
عيوني تكفي عن كل الكلام ..
اللي أبآقوله ..
ولا أدري ..
لو إنك شايفه كل السوالف والغرام اللي على بابك ..
يبي يهمك ؟
ولا همك !
●●●
بقى بعدك أمل وإحساس بإنك راجعه بعدين
ياليتك ماخذه حتى الأمل في ليلـه غيابـك
●●●
حتى شعاع الشمس دل الشبابيك !
من كثر ما وقف على راس بابك
كن للصباح ايدين بيضاء تصحيك
من حرصها .. عيت تلامس ثيابك
●●●
كنك بديت تعود القلـب فرقـاك !
تترك مابين أجسادنا ألف حاجـز
خلك معي واضح دخيلك .. وماجاك
مني .. تراه إحساس إنسان عاجز
●●●
يعني كذا .. ودك نفـارق بعضنـا ..
تسكت وانا اسكت .. والوداع إيتكلم !
أرسلت لي .. ما كنت أحسبه جمعنا !
وشميت به .. عطـرك كأنـك تسلـم
يا رقتـك .. حتـى وحنـا إفترقنـا
قبلتني .. في مسحة الظرف .. بالفم !
●●●
ألا يا قو قلب ٍ ماترك لمحبتـي سيـرة
وألا يا قو عين ٍ مابكت في لحظة وداعي
●●●
يمكن الصدر صار أضيق مكان أعرفه !
بس الى الحين ينتظرك تجي وتحكـي
داخلك سر .. وعيونك بـدت تكشفـه
ليتها زادت شوي .. وبـدت تشتكـي
●●●
ياكثر ماتكشف الأنفاس عن ضعفي
ياكثر ماتجرح إحساسي ولا آلومك
مليت قل العطى وإحساسك المخفي
مليت تقسى علي وأسأل عن علومك
ياسهل ماتقترب ياسهـل ماتقفـي
كنك ملكت الفـراق ولـذة قدومـك
●●●
كابر على من يرخص الناس لأجلك
حتى ولو أخطيت بالحق .. كابـر
ما يصبر الا واحد ٍ منتبـه لـك !
وأنا معاك لسكرة الموت .. صابـر
●●●
عاد النسيم .. وتنفست الهواء والعبير !
والدم زاحم شراييـن الجسـد للفـؤاد
كني ولدت بضحى يوم الربوع الأخيـر
يوم إلتقينا .. بعد فقد وفـراق وبعـاد
●●●
يطري علـي أتركـك وأروح بالحالـي
درب ٍ جمعنا سـوى .. بكـره يفرقنـا
ويطري علي الوجع .. ويروح عن بالي
جروح عمر ٍ مضى .. للحيـن تحرقنـا
سنين كنها طفل مولـود مـن تالـي !
يدري بنا .. نب نموت .. وجا يعانقنـا
●●●
أحلف وأقول إني مع الوقت بأنساك !
الله يسامحني علـى حلـف كـاذب
●●●
طاحت ثلاث أيام من كفة البعد !
الله يعديها على خير وألقالـك
●●●
لو بالسهر دم .. أو لوسادتي ذمـة ..
ما كان نمت .. ودموعي تغسل أهدابي
حسيت كن الفراش إنسـان بآضمـة
ومديت يدي إلين إنهـارت أعصابـي
●●●
الصباح أغصان من شمس .. تورق كل يوم !
والسحاب .. أوراق بأطرافها قطـرة نـدى .
والنسيم إنتي .. وأنا عطر بثياب الهمـوم ..
كل ما هبت طواريك .. يشمت بـي عـدا !!
●●●
المسافة .. وضيق الوقت .. وأشواقنا
والكلام .. ووجيه المقبليـن السمـر
والسؤال الوحيد اللي من أعماقنـا !!
ودي أسأله .. قبل إن الدقايـق تمـر
القدر أو ظروفك .. أيهـم عاقنـا !!
قلي إن كان باقي لي بعذقـك تمـر
●●●
صحى القلم دفتري .. وإرتبكت أوراقـي
ظنك يعود الزمن سنتين .. وأكتب بـك !
بادي أحـس بدفـا الأنفـاس بأعماقـي
وكان أول إحساس حسيته .. وانا جنبك ..
●●●
يا صغر هالدنيا بعيني وأنا آصيح !
ويا كبر هالدنيا .. بعين الشماتـه
ما مر في بالي من سنين تجريـح
كثر الطعون اللـي طعنهـا بذاتـه
من بعد ماكنت أترك رضاي للريح !
هب الهبوب وطير أصغـر فتاتـه
.
.
.
بالأمس كان عتاب الأحباب تلميـح
واليوم كـل ٍ مستريـح بحياتـه !
●●●
كن عزيزة ندى والقلب غصن ورقة !
بللت يابس عروقه وطاحـت تحـت
كل احاسيسها صارت كأنها صدقـة
وكل كلماتها كانت عشانه استحـت
●●●
خل الملامح واضحه .. لاتغطـى !
ودي أشوف حكايتي في ملامحـك
عندك عيون ان شفت رمشه تبطّى !
دريت بإنـك تنتظرنـي أسامحـك
●●●
يعني كذا ظلم المواعيد .. يا شمس !
هذا وأنا حلفتـك حـدود ساعـة ..
ليت نار المحبـة .. بالمحانـي تشـب
دام حزني نسيـم .. وذكرياتـي جمـر
وليت كل الخلايـق لا تمـادت .. تحـب
كان شفت المساء ساجد سجـود الشكـر
وليت نور المدينـة مـا درى وإكتـأب
وما طفى .. يوم قرب موعدك يالسفـر
كن الأيـام طفلـة .. تستحـق العتـب
تركض ولا درت باللـي وقـف منقهـر
غابت من السماء شمس .. وبدا ينكتـب
عالصدر .. وش كثر حبيتها .. وش كثر
داخل القلـب بنـت ٍ .. غارقـة بـالأدب
ما تسـاوت مـع باقـي بنـات البشـر
طيبـة .. ماتعـرف إن المحبـة تعـب
ناعمة .. ما تعرف إن الغصـن ينكسـر
تلمس الأرض .. تتحول مناجـم ذهـب
تدعي الغيم .. يحضر في يديها البحـر
تبتسم .. تضحـك الدنيـا بليـا سبـب
كنهـا مابغـت تلقـى وسيعـة صـدر
غيـرت طعـم هالدنيـا بطعـم العنـب
صار كل الكلام اللـي تقولـه .. عِبـر
كل الأسماء .. وكل ما سمّي و ما إنكتب
زخرفه .. لإسمها الجالس بعرش السطر
كنت أحبه وأحب الماء وأحـب السحـب
وصرت احبه وأحب إسمه وأحب السهر
لي متى ..والزمن قاسي وطبعه صعـب
لي متى .. والفراق أردى رفيق ٍ حضـر
لي متى .. أنتظر ريـح التلاقـي تهـب
وتنقشع غيمة الغيبة .. وبـرد السفـر
●●●
أحيان أحس إني وسط خافقك ذبت !
وأحيان أجي بالبال لاصرت فاضـي
يا صاحبي ليه أكره الناس لاغبـت
وأقول خذ قلبي معك .. منت راضي
كم ضاقـت الدنيـا علـي وتعذبـت
وكم جيت لك قاضي وعوّدت قاضي
لا إنت الذي قدرت حالـي وقربـت
ولاإنت الـذي خليتنـي لإفتراضـي
داخل عليك إن شفتني ليلة السبـت
خلك عن الوجه العبوس امتغاضـي
ولاتسأل شلوني .. ترانـي تقلبـت
حتى بياض الوجه ماهـو بياضـي
لاتلومني .. كم شفت ناس وتغربت
وكم دست بإحساسي ديار وأراضي
وإن كان حسيت إنك بوصلك أذنبـت
فالله .. ولا حب ٍ شقوقـه عراضـي
ولو أسألوك أهل الشماته .. وجاوبت
قيل : سيرته مايسمعه غير واضـي
بآغيب أحبك وأذكرك .. وإنت لاغبت
غيب بسلامـة رب العبـاد راضـي
●●●
أرض الأحلام و أشجـار الأمانـي يبـاس
و إنـت ظالـم .. ولكنـي أحبـك كثيـر !
واضح إني خسرتك للأبـد و إنـت حـاس
خلك أقـوى شـوي و إعتـرف بالمصيـر
رحت .. يوم إرتوت فيني عذوق الحماس !!
مثل من ياخـذ اللقمـة مـن أفـم الفقيـر
عندي إحساس وشوية رجاوي .. و يـاس
وما بغيت أزعجـك مـدام وقتـك قصيـر
قلـت أبنسـاك يمكـن هالمسافـة تقـاس
بين ذاك الزمان اللـي مضـى .. والأخيـر
صاحبي مارضيت أنساك مـن قـو بـاس
يوم أبنساك .. كنت أبغى يمـوت الضميـر
الغرابيل تلحقنـي وأنـا ( بـدون نـاس )
عفت ناسي .. عشان أبقى بعينـك كبيـر
يوم كـان الوفـا تحـت الخديعـة يـداس
والغـرام آخـر حلـول الوسـط للعشيـر
كنت غالي وكان النـاس حولـك نحـاس
كنت صـادق وكـان الكـل حولـي يغيـر
ليت الأيـام ثلجـه ذابـت بوسـط كـاس
كان عـودت مـع بـرد العلاقـة صغيـر
كنت أنا و إنت في ذيـك المحـلات مـاس
و إسرقتك الحياة الهاديـة وصـرت غيـر
بس كانك تبي فرقـى مثـل منـت حـاس
خل ( ليل الخبر ) يذكـر همومـي بخيـر
●●●
توقعت البكى: دمع ٍ يغطـي عورتـه منديـل
وأثاري لمسة المنديل تنقص من علو شانـه
تأملت المسار اللي بدت فيـه الدمـوع تسيـل
إلين إن زلزلت حصن الجفن من ركل بيبانـه
دريت إن الحزن قام يتنكر فـي عبـاة الليـل
على هيئة عجوز ٍ من بنات الفكر .. غيرانـه
تريد من الحشى : بيت المواجع والقهر والويل
ولاتملك سوى ترديد جملة (( راحت فلانـة ))
وأنا ماكان لي حيلة ولا لي بالخفـى تأويـل
مغير اغير الموضوع وأستفسر عن إمكانـه
تقول إن الغرض ترتيب حفل ٍ صاخب ٍ بالحيل
على ذكرى وفاة القلب فجأة فـي يـد إنسانـة
أنا ادري يالعجوز إن الجنازة إطلبـت تأجيـل
عساها تلتقي خطـوات بنـت ٍ جِـد شفقانـه
لقتني عاشق ٍ كان إيتمنـى للحشـى قنديـل
وراحت ... خلفت طفل ٍ يصارع ظلمة أحزانه
تسمت قسوة الهجران فيها (( معتقل تكبيل ))
تجور ولا نطق عرق ٍ بجسمي قصة لسانـه
تقول إن السهم بالمسرحية لاطعن .... تمثيل
وهي تمسح بلاط الصدر من قطـرات دمانـه
الا يابنت وش جابك على درب الخطا والميـل
اكيد إن العجوز اللي (( بنتني )) أهدتك خانه
اجل وش جاب منديل الطهارة ساعة التنكيـل
لرجل ٍ ماعرف معنى السعادة وسـط خلانـه
يحسب إن البكى : دمع ٍ يغطي عورته منديـل
وأثاريه السكون اللي يردد (( راحت فلانة ))
●●●
وط صوتك حبيبـي .. السمـاء تسمعـك !
ليه تفضـح زعلنـا البارحـة لـالمطـر .
ماتخاف إن لمحك تصيـح .. جـاء يتبعـك
وتغـرق هالمدينـة .. مـن سبايـب قهـر
صب كـل الحكـي بإذنـي ترانـي معـك
وإن سكرت .. إعرف إن عيني تحسبك خمر
ولا تقـول الهبـوب اللـي مسـح مدمعـك
والله أن أربط يديـه .. بيديـن الشجـر ..
ما يمسّح دموعـك .. غيـر مـن يمنعـك
ومن يبي يمنعك غيري .. مدامك سحـر .. !
خلني بيـن قلبـك وبيـن نحـف أضلعـك
يمكن إن شافنـي قلبـك .. يـدور عـذر .
كنـك الرجـم .. وإيدينـي تبـي تطلعـك
وآتمايـل وأصيـر .. معلـق ٍ فـي حجـر
لا وصلـت لغـلاك .. ولا قـدرت أجمعـك
ولا بقى بيـن هالثنتيـن .. غيـر الصبـر
يا كبر قـدرك بقلبـي .. ويـا مسرعـك !
لا تمشيـت مـع دمـي .. وأشوفـك تمـر
يوم كنت تحكي لي .. كنت أبوس إصبعك ..
ويوم طال الكلام .. شـوي قلـت : أنتظـر
لا رقيت لخـدودك .. مـن يبـي ينفعـك !!
مـا يـرد الظـلام .. الا طلـوع الفـجـر
وط صوتك حبيبـي .. لـو أنـا ماأسمعـك
مابي أحـد ٍ يشاركنـي .. بصـوت القمـر
●●●
على غفلة وانا آراقب مدى وادي الظلام بصمت
تسلل بالخفى ظـــل الخيانة من ورى ظــهــــري
وأنا في كل عزي فوق صخرة قــصــتي ماقــمـــت
دريت أنه وراي ولابــغــيــتـــه لا قــــــرب يدري
لعـــلي أكــســـره بـأول كــلامــي لامن إتـكــلــمت
وأنا أخاطب ضميره وآتشكى من وجــع كــســري
عمدت أكتب ( أحبك ) عــ التراب بلا ( ألف ) مادمت
أعرف إن ( الألف ) تعني ( أنا ) وتطيح من قدري
بديت أهمس بإذن جوفي نسيم يصيبني لاهمت
تناهيد ٍ بدت تحبي ألــــــم لين أصبحت تجري
على كبر الخيانة والتناسي والكذب قاومــــت
ثمان شـــهــور لا طب ٍ يــعـين ولا دوا يــبري
أجل أترك مكاني للغياب وهقــــــــوتي أجرمت
وأجي وألقى الجريمة من يدين أجناب في صدري
وانا ياويل حالي قبل أغادر دنيتك صممت
أعود بلا عتاب ولا ملام وخـــــــافق ٍٍ عـــــذري
من اول ما عرفت إن البحر دمعة قهر به عمت
إلين أصبحت في جوف الورق غرقان في سـطري
أتمتم بالكلام اللي كتبته وأمسحه لانــمــــت
أخاف أحلم وأكمل ماكـــتــبـــت وينفضح ســـري
ويدرون الملا عن ماحبسته بالحشى وأقسمت
أخبيه لذبول آخر ورود الــحــب في حـــجـــري
ومر الوقت وإحساسي مابين آلمت / ما آلمت
وظهري يرقبه عين ٍ تلد تشوف مايجري
وفجأة .. خالط الموقف شهيق المذنب اللي لمت
ونبظاته بدت تزعج حشاي وتقترب حدري
مسك كتفي وهو يهمس ( تراني في غيابك صمت )
وحظني وأنفتح دفتر دموع ٍ من شهر مقري
نزعت إيده ونفضت اللي بلبسي من غبار وقمت
وخليت الذي يبكي ورى ظهري .. ورى ظهري
●●●
المسافة وضيق الوقت .. وأشواقنا !
والكلام .. ووجيه المقبليـن السمـر
والسؤال الوحيد اللي من أعماقنـا ..
ودي أسأله قبـل إن الدقايـق تمـر
القدر أو ظروفك .. أيهـم عاقنـا ؟!
قللي إن كان باقي لي بعذقـك تمـر
حسبي الله على اللي سبـب فراقنـا
ما رحم وقفة الذل وعيونـي الحمـر
كل ساعة تعـدي تخنـق أعناقنـا ..
كن حروفي حفاة وأرض وقتي جمـر
تدري اليوم .. جالس احسب أوراقنا !
من يصدق تفارقنـا بعـد هالعمـر !!
تذكر آخر لقاء والدمـع .. وعناقنـا
كيف كان المكـان بشوقنـا منغمـر
خايف إن الزمان اللـي قبـل ساقنـا
للجفا .. يعجبه ما صار ثـم يستمـر
وإنت روحي وأنا من ليلـة فراقنـا !
أنتظر في مكانـي كـل ليلـة تمـر
●●●
ليت الهوى .. خاف من ربـه ولا جانـي
ماكان أحس بهمـوم النـاس مجتمعـة !
أقيد شمعة سنـة .. مـن عمـر احزانـي
وأعيش عمري .. تشب وتنطفـي شمعـة
لا صـوت قـادر يـدف الحكـي للسانـي
ولانيب أعرف أحرم إذني لا حكوا .. سمعه
كم لي وأنا لا أذكـروه أعـض بأسنانـي
ماودي اللغـز الأول .. تكشفـه رمعـة!!
كنا هنـا .. ليلـة الجمعـة .. و خلانـي
واليوم أنا .. والفراق .. وليلـة الجمعـة
كلن جلس .. وإبتدا يكـذب علـى الثانـي
لين أكشفتني وانا أضحك (كذب) .. دمعـة
وأسكت .. أخـاف إيتنبـه مـن تبلانـي
وأمسح أثرها .. ويبقى بأصبعي .. لمعـة
وآلوم نفسي .. وأنا آشوف إصبع الجاني
اللي جمع رفقته .. ثـم صافحـوا جَمعـه
يامكرهـه مـن هـوى .. ليتـه تعدانـي
ما كان قمت أشتكي .. والنـاس مجتمعـة
●●●
