قول أحبكـ
تمتلكني من شمالي لِجنوبي
قول أحبكـ
تنور بعيني مسافاتي ودروبي
قولها تكفى طلبتكـ
دامني جيت ووصلتكـ
قولها
وأنحر حروفي لاجلك وماهي كثيره
يابَشر..هذي هنوفي ..
هذي هي
ذيكـ الاميره
....
قولها
واضوي شموع العشق
و...اودع دموعي
تروي هالكلمه سرابي
وادفنك داخل ضلوعي
واهمس باذنك احبك..وش حياتي دون حبك
قول احبكـ
ياملاكي وش هالدنيا بلاكي
وانا طيركـ
لو غيركـ
حاولوا ...ماقدرت اعشق سواكي
بس هالمساء غير الاماسي
طرت من فرحة لقاكي..
....
كل أماسي العشق
نامت
مابقى الا...مسايا
يابعد روحي وقلبي
ابتسم دامك معايا
وياشقايااا
هذا حدكـ..!!
شوفها ..جنبي ..ومعايا..
هالمساء ماني خويكـ
مخاوي الليله هنايا
ياشقاياا
خلني بلعن ابو الضيم وسنينه..!!
هالمساء غير الاماسي...
شوفنا نحضن بعضنا.. وشوف كاسه جنب كاسي..
شوف وش حال الضنين اللي فقد فتره ضنينه..
خلنا ..نروي بعضنا ونلعن ابو الضيم وسنينه..
....
وياملاكي
لا ذكرت اني مسافر ..
وانتهت فرحة لقاكي..
تصرخ احلامي بصدري
"ياوجودي يالمدينه"
