يمكن تحس إني مع البعد ناسيك

يمكن تحس إني مـع البعـد ناسيـك
لكن تأكـد .. مـا نسيتـك ثوانـي
لا مر طيفك قمت أهوجس وأحاكيك
واشكي لــــ طيفك كثر ما هو شكانـي
وأتذكر أشيائك .. واردد أغانيك
وابكي إذا حسيـت حظـي رمانـي
واحمّل النسمـات طيـف ٍ يناجيـك
وأطلق مع ذكرااااك صهوة عنانـي
واحسّ تتسأل عـن أحوال مغليـك
وأجاوبك ..تذكر مكانـي! مكانـي!!
وتقول لي : وش فيك؟ وأقول: وش فيك !
وش لون ما تبغـى بعدهـا اعااانـي!!
وتقول لي : طيفـي تركتـه يداريـك
وأقول: طيفـك للمهالـك حدانـي
وتقول لي : تبكي!! وأنا اللي موصيك
وأقول لك :تبغـى أزف ّ التهانـي؟؟!!
صرت أتجرع مرّ من دون حاليـك
واكتب على الفرقا قصيـد وأغاني
لا جيت أبكتب مدح لازم أطريك!
ولا جيت أبكتب حب ما الحب هانـي
صرت اكتب الفرقا بفحـوة معانيـك
واطلع مع فرقاي بأصـدق معانـي!!
وأسامر النجمة وأنا أقول : لبيـك
اسمع وحيـك.. ولا اكـذب أذاني
وانته بعيد ٍ مـا وصلنـا أراضيك
إلا انك اقرب من صفوف المحانـي
ولا جابوا اسمك جيت كني معاديـك!
عشان مسمع قـول خلّـي نسانـي !
وإلا أنت وافي والوفـا مـا يخليـك
والطيب بصلك ما خفـاك وخفانـي
لذا .. تصبّر والصبر فـي معاليـك
يهون .. يوم ٍ قلت : تكفى عشانـي!!
.
.
.

دمتم بحفظ الرحمن
يمكن تحس إني مع البعد ناسيك Hm35

تسلمى

اسعدني تواجدك العطر