1-قالك خطرة واحد ديما تسقسيه صحبتو: واش تغديت؟ يقولها: طعام. ممبعد تقولو: شعال كليت. يقولها : وحد 6مغارف ولا 7 .ديما هكا. غير كيما هاك تكوبي عليه .( قتلها بالطعام). وحد النهار قالوا صاحبوا: اكذب شوي قولها تغديت شواء . كليت كفتة. همبرغر . تغديت بيتزا .....
ايا هداك خدمتلوا قال و الله عندو الحق . الغدوى هديك سقساتوا صاحبتوا: واش تغديت ؟ قالها :همبرغر. قاللتلوا :وشعال كليت ؟ قالها : وحد ال6 مغارف ولا سبعة.
*************
2-قالكم خطرة كاين وحد الشيباني مريض قريب يموت وهو على الفراش عيط لولادو باه ينصحهم وقالهم كل واحد يجيب معاه مطرق(عصا ) صغير
ايا دارو عليه ولادوا وجابوا معاهم المطرق(العصي) عطا الشيباني لواحد من ولادو 2 مطارق وقالوا كسرهم ايا ولدوا حكم كسرهم . زاد عطالو 3 زاد كسرهم. وبقى يزيدلوا حتى
وصل ل 9 مطارق . قالوا: هاك كسرهم قالك حكمهم الطفل هذاك زاد كسرهم !ِ! شاف فيهم باباهم وقالهم: روحوا يا ولادي مدام معاكم الجحش هدا ما نخافش عليكم.
*************
3-قالكم كاين واحد عندو الغنم بزاف بزاف. بصح ما يصليش(ركعة مايركعخاش)
واحد المره جاه الامام تاع المنطقة نتاعو وقالوا: انت لوكان تزيد تصلي الغنم نتاعك يوليو الضعف!
مالا هذاك السيد داه الطمع و عاد يصلي باه يزيد العدد نتاع الغنم .وكل مرة يصلي يموتلوا
4ولا5والسيد صابر يقول: ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت.
*************
4- حادثة في الجزائر
قائد الطائرة: آلو، برج المراقبة هل تسمعني؟
برج المراقبة: نعم كابتن، نسمعك بكل وضوح.
قائد الطائرة: كاين ثقب في خزان البزين وراه فرغ و نحن على إرتفاع 10 الاف قدم، واش نديروا؟
سكت اللاسلكي لحظات.. ثم:
برج المراقبة: كابتن، هل تسمعني؟
قائد الطائرة: نعم، بكل وضوح.
برج المراقبة: اوك، قول ورايا " أشهد أن لا إله إلا الله، و أن محمدا عبده ورسوله
*************
5-قالك خطرة زوج دخلوا للمطعم واحد غني و الاخر فقير. الغني طلب اكلة باللحم. والفقير طلب صحن من الفول .ايا الفقير بدا ياكل بسرعة شاف فيه الغني و قالوا قول بسم الله باش
ما يكلش معاك الشيطان .
دار عندوا الفقير وقالوا واش بيك الشيطان يخلي اللحم و يجي ياكل الفول .
*************
6-خابط واقف قدام داره سالو شرطي
انت من اهل البيت ؟
رد عليه الخابط(السكران)
لا انا من كفار قريش.
*************
7- قالك خطرة شيبانية قاعدة مع شيباني فالنقل
الشيباني كان يقرى فالجرنان
خطرة على خطرة الشيباني يمسمع حية تكلمت (يعني يسمع الرعد عذرا لا استطيع قول الكلمة)
الشيباني يجبد نوضرو ويخزر فيها ويعاود يقرى الجرنان
خطرة على خطرة تتكلم الحية .
الشيبانية سقساتو على الاحوال الجوية
قال لها الشيباني : يلا تمت الحالة كيما هاك
(عفوا اخوتي حاشكم ) قال لها الخرى يولي طيح مالسما.
*************
8-
قالك خطرا واحد كان مريح حدا وحد البلاصة شابة
جات وحدة قصيرة وريحت بعيدة عليه شوية .قعد يصكاني فيها
قعدت وحد الشوية وخزرت فيه وسقساتو
قالتلو غير الخير خويا علاه راك تشوف فيا مالفوق للتحت
قال لها : ان راني نشوف فيك مالفوق للتحت!
نتي بروحك فيك غي التحت برك
*************
9-
قالك خطرة وحد السيد تلقى مع صاحبو
السيد قال لصاحبو مالك مديgوتي شاكاين
صاحبو قالو حمامة زgت عليا
السيد قالو حمد ربي البقر ماجاوش يطيرو
*************
10-
قالك مرة واحد مقريط (بخيل) بزاف بزاف...احترقت داره (بيته) .... واش يدير راح يحمل الهاتف النقال (البورتابل) نتاعو
و بعدها بيبا (عمل Bip ) للحماية المدنية و جلس ينتظر الحماية المدنية حتى يتصلوا به
*************
11-
مزطول يقول لصاحبو : أنا شي واحد فالدنيا هاذي راه مجنني و ما فهمتوش؟
قالو صاحبو واش هو؟
قال المزطول : الحمار الوحشي أبيض و مخطط بأسود و إلا بالأسود ومخطط بأبيض ؟
*************
12-
قالك واحد من كثرة ما خسر بالبورصه دراهم بزاف ، السيد طاح مريض هزوه عند الدكتور
الدكتور وهو يكشف عليه قالو يا الله ضغطك وصل 70 لــ
صاح المريض و قالو : بيع بيع بييييييييييع ماتسقسيش.
