واحد محشش منع زوجته من زيارة أهلها خوفا من افلاونزا الطيور.. كلتله بس اهلي ماعدهم لابط ولا دجاج ولا اي نوع من الطيور.. كللها صح بس امج بومه!
*** محشش كامش الدجاجة ويضرب بيها ويقول وتالي وياج كل يوم بيض!
*** دكتور عيون محشش شاف اشارة المرور حمراء نزل حطلها قطرة!
فد يوم واحد خالته جابت ولد (بدون اذان). أمه كالتله: روح سلم على خالتك وباركلها على الولد بس دير بالك تجيب طاري ان ابنها (بدون اذان) حتى لا تجرح مشاعرها وتكلب عليها المواجع. فراح ال وبارك لخالته فحين دخل سلم عليها وكالها بس لازم تكثروله من عصير الجزر حتى لا يضعف عنده البصر. خالته كالت: حتى لو ضعف البسه نظارات وحال حال أكثر من نص الناس. كالها: مو هي هنا المشكله وين يعلكها!!
لا تخف من الموت بالسيف فان لم تمت بالسيف تموت بالشتا!! من البرد
*** محشش اشترى بي ام بمواصفات خاصة، فيها الكمبيوتر يصلح كل شي من دون ما يروح الوكالة! حب الدليمي يجربها فدعم بالباب اللي عاليمين، فرد الكمبيوتر: يا أيها الباب ارجع كما كنت، فحصل ذلك. ثم دعم الباب اللي عاليسار، فرد الكمبيوتر يا أيها الباب ارجع كما كنت! عجبته السالفة قام جربها وطار من فوق الجسر!! فرد الكمبيوتر: يا أيتها النفس المطمئنة ارجعي إلى ربك راضية مرضية!!
حشاش سلبوه سيارته. خرب من الضحك. سألوه شبيك؟ كال لو يموتون ما اسويلهم وكالة!!
مره خطيب شرب شريط كبسول وراح للخطبه. وره الخطبه رجع معاه جماعته للبيت, وكالوله انت اليوم اشكد جذبت؟ كالهم ليش؟ كالو كلت م بدر صارت قصف طيارات, مشيناها. وكلت صلاح الدين الايوبي ضرب القدس كيمياوي, هم مشيناها. بس حجاية أبو جهل باع بلال الحبشي بخمس ملايين لبرشلونه, هاي وين لاكيها؟!
شيخ ماشي بالشارع سأل واحد مكبسل: اخي الكريم هل لك ان تدلني على الطريق العام وساكون لك من الشاكرين. كلله المحشش: صدق الله العظيم!
*** حشاش وكع من السطح فالناس التمو عليه وكالوله خير شكو؟ كال والله ما ادري, هسه تونّي إجيت!
استاذ كال للطلاب: اللي يحس نفسه غبي خلي يوكف. فكام طالب وكف. سأله الاستاذ: انت تحس نفسك غبي؟ جاوبه الطالب: لا استاذ, بس استحيت اعوفك واكف وحدك!!
*** مره شيخ ديمشي شاف مجموعه ديحششون.. كلهم حرام عليكم ابنائي... كلوله وعليكم الحرام.. هلو شيخنه!
*** مرة واحد طلع سفرة سألوه جماعته: اذا تعرف شطابخين بالجدر ننطيك نص البرياني؟ كلهم اكيد دولمة!!
