المعلم طلب من التلاميد يكتبو إنشاء كل واحد يتخيل راسو مدير شركة.
كلشي بدا كيكتب إلا واحد، ربّع يديه وبدا كيتعنكر
جا عندو المعلم وسولو: علاش مكتكتبش؟
جاوبو التلميذ: كنتسنى السكرتيرة ديالي باش نملي عليها وهي تكتب
_____________________________________________________________
واحد خايب بزاااااااااااااف بغى يخطب وطلبو منه صورته
عطاهم التصويرة وكتب عليها
وعسى أن تكرهوا شيئا وهو خير لكم
______________________________________________________________
هادا واحد مكلخ كان غادي وهي تبان ليه 200 درهم جديييييدة طايحة فالأرض
شاف حتى ما بان ليه حتى واحد
وهو يهز ال 200 درهم جديدة وحط بلاصتها 200 درهم قديمة و مشى هرب يجري
______________________________________________________________
واحد المكلخ سولوه: أشنو الفرق بين الليمون والتفاح؟
قال ليهم: الليمون اللون ديالو ليموني ولكن التفاح اللون ديالو ماشي تفاحي
______________________________________________________________
هبيل سألوه : الزيتون فين كينوض؟
قال ليهم : كينوض في الكاشير
______________________________________________________________
هادو ربعة د النملات كانوا غاديين ف الغابة، شوية وهو يبان ليهوم فيل
قالت ليهوم النملة اللولة: خاصنا نقتلوه، راه كيهددنا ف هاد الغابة
قالت النملة التانية: لا خاصنا نقطعو ليه رجليه الكبار
قالت النملة التالتة: أش بان ليكوم نلوحوه برا الغابة؟
قالت ليهوم النملة الرابعة: لا حشومة عليكوم، خليوه مسكين، حنا ربعة وهو غير واحد
______________________________________________________________
واحد المكلخ كان غادي ولقى 4000 ريال وهو يبدا كيفكر
غادي نعطي 1000 للوالد كايتسالها ليا
و1000 للوالدة كاتسالها ليا
و 2000 اللي كايسالني مول الحانوت
وهو يقول اش غادي يبقى ليا !!!
و الله لا هزيتها
_____________________________________________________________
