طريقة سهلة ورخيصة لتنضيف الكرافتات من غير دراى كلين
كاتب الموضوع
رسالة
red_dragon عضو متألق
الجنس : المشاركات : 186المـكـان : احلى مكان في العالمنقاطي : 549
موضوع: طريقة سهلة ورخيصة لتنضيف الكرافتات من غير دراى كلين الخميس 11 أغسطس - 16:24
انا انهارده هاقولكم على طريقة تنضيف الكرافتات من غير مجهود ومن غير فلوس كمان مش باضحك عليكم والله دى الحقيقة واللى هاتجرب هاتدعيلى وما تخافوش تنفذوا الطريقه لان انا جوزى عنده كرفاتات غاليه وعملت الطريقة دى فى تنضيفهم ونفعت من غير ما تبوظ اهم حاجة امشى على الخطوات زى ما هاقولك
اولا هافرجكم على كميةا لكرافتات الوهمية اللى عندى
دول حبة من المجموعة اللى عندنا المهم انا جيبت الكرافات المتوسخه ولميتهم وقررت اغسل كل يوم اتنين او تلاته
شوفى بقى دى واحدة متوسخة
تجيبى الكرافات وتلفيها وتجيبى برطمان كبيرزجاج بغطاء تحطى فيه مايه وملعقة كبيرة صابون غسيل المواعين (بريل او فيرى او فيبا ) اى نوع حلو وخلاص تقفلى البرطمان وتروجى المايه جوا البرطمان وبعدين تجيبى الكرافاته وتحطيها جواه (اهم حاجة تكون داخلة براحتها مش مزنوقه او مكسرة )
دى صورة الكرافاته وهى ملفوفة والتانيه بتتغسل جوا البرطمان
اهم خطوة بقى انك ما تعمليش حاجة خالص سيبيها 3 او 4 ساعات منقوعة فى الماية وبعدين امسكى البرطمان وروجيه بايدك جامد لمدة 5 دقايق بس طلعى الكرافته وحطيها تحت الماية عشان تشطفيها وعلقيها على شماعه من غير مشابك فى الحمام عشان تصفى المايه اللى فيها وسيبيها تنشف
اهم ملحوظة ::::::: ( اوعى تعصريها بايدك ) ( اوعى تحطى اى نوع من انواع المنظفات للبقع او الكلور ) ممكن لو البقعه جامدة تمشى ايدك عليها رايح جاى 3 او 4 مرات بطرف صباعك قبل ما تشطفيها
طريقة سهلة ورخيصة لتنضيف الكرافتات من غير دراى كلين
ومن غير فلوس كمان 
( اوعى تحطى اى نوع من انواع المنظفات للبقع او الكلور ) 