طال الغياب ودم قلبي ذرفته
يوم انتهى دمعي ذرفت الدما ذرف
ياشين طول البعد توي عرفته
يمرمر الخافق ويعدل به السرف
لازمت حزني فيه حتى احترفته
والنوم مابلت هماليله الطرف
ياصاحبي حبك بحر لو غرفته
والله ماينقص ولا ضره الغرف
من بنك حبك شيك همي صرفته
ياروح روح الروح يا آمر الصرف
ان كان حبك ذنب؟ فانا اقترفته
ولاني بتايب عنه مهما حصل ظرف
سحبت قلبي في هواك وجرفته
حتى تعلق فيك وشلون ؟ ماعرف
لو ينحرف عن درب حبك حرفته
لكن تهور في محبتك يالترف
دمه ذرفته في غيابك ذرفته
يوم انتهى دمعي ذرفت الدما ذرف
